Հիմա թշնամանք հրահրելու ժամանակը չէ
Արցախի խորհրդարանի անդամ Հայկ Խանումյանը, երբ ճնշումների էր ենթարկվում իր արտահայտած տեսակետների կամ քայլերի համար, անձամբ ես կանգնում էի նրա կողքին, քանի որ վստահ եմ, որ Արցախի հզորությունը նաեւ ազատ խոսքի եւ մարդու իրավունքների պաշտպանության մեջ է: Ինչպես ամբողջ Հայաստանում, այդ թվում եւ Արցախում մարդը պետք է պաշտպանված լինի եւ ունենա ազատ արտահատվելու իրավունք:
Այսուհանդերձ, հայաստանյան լրատվամիջոցներից մեկում այսօր Հայկ Խանումյանի հրապարակումը ոչ թե ազատ խոսքի արտահայման ձեւ կամ եղանակ է, այլ հարված երկրի՝ Հայաստանի անվտանգությանը: Հիմնվելով ակնհայտ սուտ եւ հնարավորի տեղեկությունների վրա, Արցախի խորհրդարանի անդամը գիտակցելով, թե չգիտակցելով բավական վտանգավոր շեշտադրումներ է անում եւ ուղղակի հարվածում Արցախին եւ ամբողջ Հայաստանին:
Արցախի եւ Հայաստանի միջեւ սեպ խրելը, ներսում հնարավորի թշնամիներ եւ խարդավանքներ փնտրելը շատ վտանգավոր է։
Ադրբեջանը չի էլ թաքցնում, որ ամեն օր պատրաստվում է պատերազմի, որ հարմար առիթի եւ պահի է սպասում զինված գործողությունների դիմելու համար , սահմանին զորք եւ տեխնիկա է կուտակում, իսկ մենք զբաղված ենք Հայաստանի Հանրապետության եւ Արցախի Հանրապետության միջեւ հակամարտություն հրահրելով: Ո՞ւմ է սա ձեռնտու: Պատասխանը շատ պարզ է:
Ակնհայտ է, որ այս ամենից շատ-շատ վատ հոտ է գալիս ու յուրաքանչյուրիցս զսպվածություն է պահանջում։ Քաղաքական ոչ մի շահ չի կարող ավելին լինել, քան երկրի անվտանգությունը։
Արցախը եւ Արցախի նախագահ Բակո Սահակյանը հայ-ադրբեջանական սահմանում կայունության, խաղաղության երաշխավորն ու խորհրդանիշն են։ Այսպես է ստացվել եւ հիմա անհատական համակրանքների կամ հակակրանքների ժամանակը չէ։
Այս ամենը մենք պետք է քաջ գիտակցնենք: Այն գեներալները, որոնց այսօր սեւացնելու փորձ է արվում՝ զինվորի հետ ապահովում են մեր երկրի անվտանգությունը, ժամանակին արել են այն, ինչի շնորհիվ այսօր ունենք խաղաղ ու ազատ Հայաստան եւ Արցախ։ Մենք մեր մեծ ու փոքր հնարավորություններով ընդամենը պետք է օգնենք Արցախի ղեկավարությանը պատվով իրականացնել այդ առաքելությունը: Կգա ընտրությունների օրը՝ խնդրեմ մասնկացեք, հաղթեք։
Մինչ ընտրությունները Բակո Սահակյանն ունի շատ կարեւոր գործեր՝ ապահովել երկրի անվտանգությունը, ապահովել կայուն զարգացումը, ապահովել հաջորդ ազատ ընտրությունները։ Կարելի է օգնել նրան, կարելի է չօգնել նրան, կարելի է քննադատել՝ սա ճաշակի հարց է։ Բայց այս զգացմունքային փուլում Արցախ-Հայաստան դավադրություններ հնարել ու տարածել՝ իսկապես չի կարելի։ Դա քաղաքականություն չէ։
Մենք պետք է իրատես, սառնասիրտ եւ խելամիտ գործենք եւ ամեն ինչ անենք մեր ունեցած նյութական եւ ոչ նյութական ռեսուրսներով Արցախին աջակցելու եւ խաղաղությունն ամրապնդելու համար: Սա է մեր այսօրվա հիմնական առաքելություններից մեկը:
Գեղամ Նազարյան
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...