«Ռեալը» կրկին կփորձի ձեռք բերել Էդեն Ազարին
Մադրիդի «Ռեալի» ղեկավարությունը վերադարձել է «Չելսիի» առաջատար Էդեն Ազարի տրանսֆերը ձեռք բերելու տարբերակին: Այս մասին գրում է «Daily Express» պարբերականը:
Ըստ աղբյուրի, «Ռեալը» բելգիացի ֆուտբոլիստի համար պատրաստ է վճարել 200 միլիոն ֆունտ սթերլինգ (224 միլիոն եվրո): Եթե գործարքը կայանա, Ազարը կդառնա պատմության ամենաթանկարժեք ֆուտբոլիստը՝ գերազանցելով Նեյմարի ցուցանիշը: Վերջինս անցյալ ամռանը 222 միլիոն եվրոյի դիմաց «Բարսելոնայից» տեղափոխվեց «Պարի Սեն Ժերմեն»:
Եկող շաբաթվա ընթացքում «Ռեալը» վերջնական առաջարկ կանի «Չելսիին» և կփորձի գործարքը ձևակերպել մինչև օգոստոսի 31-ը, երբ Իսպանիայում կփակվի տրանսֆերային պատուհանը:
Միևնույն ժամանակ նշվում է, որ «Չելսիի» գլխավոր մարզիչ Մաուրիցիո Սարին կտրականապես դեմ է Ազարի տեղափոխությանը, քանի որ Անգլիայի Պրեմիեր լիգայում տրանսֆերային պատուհանը մասնակիորեն փակվել է՝ ակումբները կարող են իրենց ֆուտբոլիստներին վաճառել այլ լիգաների ներկայացուցիչների, սակայն կազմը համալրել չեն կարող:
Հավելենք, որ Էդեն Ազարը «Չելսիի» հետ մինչև 2020 թվականը գործող պայմանագիր ունի: Մասնագիտացված «transfermarkt.de» կայքը 27-ամյա բելգիացու տրանսֆերը գնահատում է 120 միլիոն եվրո:
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Երթևեկության կազմակերպման փոփոխություն՝ Վարդանանց փողոցում
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Սպիտակ տունը գործարկել է Trump TV-ն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Փոխվում է Գերմանիայի քաղաքական քարտեզը