Զգուշացեք հետհեղափոխական ավտոմեքենաներից
Խորհրդային հրաշալի ֆիլմերից մեկում պետավտոտեսուչը հետապնդում է գողին: Նա մոտոցիկլետով է, իսկ գողը՝ ավտոմեքենայով: Եւ ահա, տեսնելով ճանապարհային նշանը, որի վրա գրված է «Զգուշացեք՝ երեխաներ են. արագությունը մինչեւ 20 կմ/ժ ». հանցագործը արգելակում է, որից հետո լսվում է կադրից դուրս ձայնը.
«Դետոչկինը երեխաներին սիրում էր: Նա այլ կերպ չէր կարող վարվել: Դետոչկինը հասկացավ, որ սա վերջն է: Նա ցանկանում էր փակել աչքերը, բայց վախեցավ վրաերթի ենթարկել դպրոցականներին, բայց ավտոտեսուչը եւս սիրում էր դպրոցականներին եւ բարեկրթության մեջ չէր զիջում Դետոչկինին»:
Ավտոտեսուչը եւս արգելակում է եւ նրանք 20 կմ/ժամ արագությունը չգերազանցեցին, մինչեւ արգելքը հանող նշանը:
Այս դրվագը ցույց է տալիս հասարակության վերաբերմունքը երեւեկության, եւ ոչ միայն երթեւեկության կանոններին:
Ցավոք, մեզ մոտ՝ Հայաստանում, վարորդների գերակշիռ մասը հեռու են բարեկրթությունից եւ տարրական կուլտուրայից: Հետհեղափոխական Հայաստանում ավտոմեքենա վարելը, փողոց անցնելը դարձել է բավական վտանգավոր, հատկապես, երբ հայտարարվեց չմուծված տուգանքները ներելու մասին:
Դպրոցների մոտ որոշ վարորդներ մեծ արագություն են զարգացնում եւ անգամ ճանապարհը չեն զիջում հատուկ գծանշումով անցնող դպրոցականներին, նրանց ծնողներին, ուսուցիչներին: Ավելորդ է խոսել անգամ դպրոցներից հեռու գտնվող հետիոտնի անցումների մասին:
Հաճախ են դեպքերը, երբ երես առած վարորդները կտրուկ շրջադարձ են կատարում չնախատեսված վայրերում, անգամ զլանալով միացնել թարթիչը: Իսկ մի քանի օր առաջ խախտում կատարած վարորդներից մեկը ոգեւորված ասում էր, թե այլեւս խախտում անելուց չի վախենում, քանի որ փող չունի եւ շարունակելու է չվճարել տուգանքները:
Շատ տեղերում արագաչափերը հանել են, ինչից ոգեւորվել են կարգազանց վարորդները, եւ եթե դրան գումարենք ավտոտեսուչների լոյալ վերաբերմունքը, ապա պարզ է դառնում ամբողջ խայտառակ վիճակը:
Իրավիճակը չփրկեց նաեւ Նիկոլ Փաշինյանը, որը իր օրինակով ցույց տվեց, թե պետք է հարգել երթեւեկության կանոնները, անկախ նրանից, թե ինչ դիրք եւ դեր ունես հասարակությունում եւ պետությունում:
Մեր հասարակությունը, ցավոք, դեռ պատրաստ չէ հարգել երթեւեկության եւ մյուս կանոնները, եւ երբ զգում է, որ անպատիժ է մնալու, սկսում է կարգազանցությունը, իսկ երբ կարգազանցությունը արտահայտվում է երթեւեկության կանոները խախտելով, դրա հետեւանքով մարդիկ են վիրավորվում, անգամ զոհվում:
Մնում է կոչ անել մեր համաքաղաքացիներին փողոցն անցնել հետիոտնի համար նախատեսված անցումներով եւ լուսացույցի առկայության դեպքում կանաչի ներքո, ինչպես նաեւ վարորդներին խնդրել մի կողմ դնել «ֆիքստուլությունը» եւ չխախտել կանոնները ու երբեք չգերազանցել սահմանված արագությունը:
Գեղամ Նազարյան
Top-News.am
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Արսեն Զախարյանի տրանսֆերային արժեքն աճել է
Մարմնամարզության տղամարդկանց հավաքականը տուն է վերադառնում