Իսկ մի՞թե ճիշտ չէ Նիկոլ Փաշինյանը

Նիկոլ Փաշինյանը այսօր կրկին հանդես է եկել քաղաքացիական անհնազանդության բոլոր գործողությունները դադարեցնելու կոչով:

Ընդ որում, նա նման կոչով արդեն իսկ հանդես էր եկել, եւ ցավալի է, որ նա ստիպված է լինում կրկնել իր խնդրանքը, կոչը, պահանջը:

Իրոք, անհասկանալի է, որ մեր կողքին ապրում են մարդիկ, որոնք համառորեն չեն արձագանքում Նիկոլ Փաշինյանի կոչին եւ ոչ միայն չեն դադարեցնում բողոքի գործողություններն, այլ նորերն են հորինում:

Մարիդիկ, որոնք մոտ մեկ տասնամյակ վախենում էին անգամ իրենց տանը, կնոջ ներկայությամբ դժգոհել, այսօր ստացած ազատությունը օգտագործում են սեփական քմահաճույքները բավարարելու համար:

Այսօր տաքսիստը պատմեց, որ ուղեւորուհիներից մեկը դժգոհելով անասնաբուժական ծառայության բարձր գներից (կատվին բուժելու համար սպասվածից մեծ գումար էին պահանջել) սպառնում էր այդ մասին տեղեկացնել Նիկոլ Փաշինյանին:

Իհարկե, հասկանալի է, որ այս փուլն էլ պետք է լիներ: Առաջընթացը եւ զարգացումը թեթեւ ընթացք չի ունենում, բայց երբ Նիկոլ Փաշինյանը բողոքի գործողությունների մասնակիցներին առաջարկում է առանց աղմուկ-աղաղակի խնդիրը կամ խնդիրները քննարկել կառավարության հետ, եւ համապատասխան արձագանք չի ստանում, սա արդեն, մեղմ ասած, անհասկանալի է:

Տրամաբանությունը հուշում է, որ բողոքի գործողություններ պետք է լինեն, երբ համապատասխան բողոքը, դիմումը կամ պահանջը կառավարությունը մերժում կամ չի բավարարում:

Մնում է հուսալ, որ գոնե վաղվանից հասարակությունը կսթափվի, կանի համապատասխան հետեւություններ եւ կմտնի առողջ, կառուցողական դաշտ: Այո, կառավարության աշխատանքը պետք է նաեւ քննադատել, անգամ սուր քննադատել, բայց աննպատակ բողոքի ակցիաները, ճանապարհ փակելուն առ ժամանակ պետք է վերջ տրվի: 

Top-News.am

Այս թեմայով Ինչին է անհամբեր սպասում Նիկոլ Փաշինյանը Գետնին գցված դրոշը, պոկված կախիչը եւ գլոբալ ձախողումը. ո՞րն է ավելի վատ Ինչպիսի՞ դիրքորոշում ունի Նիկոլ Փաշինյանը ՀԱԿ-ի առաջարկի շուրջ Ռազմական գործողությունների դեպքում Ադրբեջանում կարող են ահաբեկիչներ հիմնավորվել․ Փաշինյան Ինչու է աշունն այսքան թախծոտ Հայաստանում. Նիկոլ Փաշինյան