Ռոհանի․ ԱՄՆ-ը չի կարող ամբողջ աշխարհի փոխարեն որոշել

Իրանի նախագահ Հասան Ռոհանին հայտարարել է, թե Միացյալ Նահանգները, որը Թեհրանին ուղղված նոր պահանջներ է հնչեցրել, չի կարող ամբողջ աշխարհի փոխարեն որոշել։

«Աշխարհը այսօր չի ընդունում, որ Միացյալ Նահանգները որոշում է աշխարհի փոխարեն: Երկրները ունեն իրենց անկախությունը», - ասել է Ռոհանին իրանական լրատվամիջոցներին: «Ո՞վ եք դուք, որ որոշում եք կայացնում Իրանի և ողջ աշխարհի համար», - հավելել է Իրանի նախագահը:

Ռոհանիի այս մեկնաբանությունը հաջորդել է ԱՄՆ պետքարտուղար Մայք Փոմփեոյի հայտարարությանը, թե պատմության մեջ ամենախիստ պատժամիջոցները կսահմանեն Իրանի նկատմամբ, եթե Թեհրանը չփոխի իր քաղաքական ուղղությունը։

Երեկ Վաշինգտոնում ելույթ ունենալով Heritage Foundation հետազոտական կենտրոնում՝ Փոմփեոն 12 պայման է սահմանել Իրանի համար, որպեսզի ԱՄՆ-ը համաձայնի այդ երկրի հետ նոր միջուկային գործարք կնքել։

Հիշեցնենք՝ մայիսի 8-ին Միացյալ Նահանգները հայտարարեց Իրանի հետ գերտերությունների կնքած միջուկային համաձայնագրից դուրս գալու մասին:

Այս թեմայով Իրանը խոստացել է դուրս չգալ միջուկային ծրագրից Իրանը Եվրոպային 60 օր է տվել Եվրոպան Իրանին կոչ է անում պահպանել միջուկային համաձայնագիրը «Եվրոպան պետք է համոզի Իրանին մնալ միջուկային գործարքում». Մակրոն Իրանը նամակ է հղել «միջնորդ հնգյակին» և հայտնել իրանական միջուկային գործարքից մասամբ դուրս գալու մասին