Թրամփը խայտառակություն է անվանել այն հարցերի ցուցակի արտահոսքը, որոնք Ռոբերտ Մյուլերը պատրաստվում էր իրեն ուղղել

ԱՄՆ նախագահ Դոնալդ Թրամփը խայտառակություն է անվանել այն հարցերի ցուցակի արտահոսքը լրատվամիջոցներ, որոնք հատուկ դատախազ Ռոբերտ Մյուլերը պատրաստվում էր իրեն ուղղել իմանալու համար արդարադատության հնարավոր խոչընդոտների մասին, փոխանցում է «ՌԻԱ Նովոստի»–ն։

Ավելի վաղ New York Times–ը հայտնել էր, որ Մյուլերը Թրամփի փաստաբաններին է տվել այն հարցերի ցուցակը, որը նա նախատեսում էր ուղղել նախագահին։

Հարցերից մեկը, համաձայն NYT–ի, հետեւյալն է՝ «Ի՞նչ եք դուք իմացել 2016 թվականի դեկտեմբերի վերջին տեղ գտած Ֆլինի եւ ԱՄՆ–ում ՌԴ դեսպան Սերգեյ Կիսլյակովի հեռախոսազրույցի մասին»։ Մեկ այլ հարց՝ «Ինչպե՞ս է ընդունվել 2017 թվականի փետրվարի 13-ի՝ Ֆլինին աշխատանքից հեռացնելու որոշումը»։ Հարցերի թվում են՝ «Ո՞րն էր 2017թ. հունվարի 27-ին Կոմիի հետ ընթրիքի նպատակը եւ ի՞նչ է քննարկվել հանդիպման ժամանակ», «Ո՞րն է Կոմիի եւ նրա նախկին տեղակալ Էնդրյու Մաքքեյբի հասցեին ձեր մշտական քննադատության պատճառը»։

Թերթի տվյալներով՝ ցուցակը կազմված է 40 հըարցերից։ Հարցերի մեծամասնությունը վերաբերում է ազգային անվտանգության հարցերով Թրամփի նախկին օգնական Մայքլ Ֆլինին, Հետախուզությունների դաշնային բյուրոյի նախկին ղեկավար Ջեյմս Կոմիին եւ ԱՄՆ գլխպավոր դատախազ Ջեֆ Սեշնսին։ Բացի այդ, հարցերի մեծամասնությունը կապված է Թրամփի եւ Ռուսաստանի ենթադրյալ կապերի հետ։

news.am

Այս թեմայով ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են ԱՄՆ-ը Էկվադորի հետ համատեղ գործողություն է սկսել ահաբեկչական կազմակերպությունների դեմ