Քեմբրիջի դքսուհին լույս աշխարհ է բերել 3-րդ երեխային

Քեմբրիջի դքսուհի Քեյթ Միդլթոնն ապրիլի 23-ին լույս աշխարհ է բերել երրորդ երեխային, հայտնում է The Daily Mail-ը` մանրամասնելով, որ ծնվել է տղա երեխա:

Քենսինգթոնյան պալատի փոխանցմամբ՝ բրիտանական գահի 5-րդ ժառանգը ծնվել է տեղի ժամանակով ժամը 11:00-ին: Նա կշռում է 3.8 կգ:

Աղբյուրը մանրամասնում է, որ ծննդաբերությունն անցել է առանց բարդությունների: Հայտնի է, որ երեխայի հայրը՝ արքայազն Ուիլյամը, ներկա է եղել ծննդաբերությանը:

Այժմ փոքրիկին կտրվի Քեմբրիջի արքայազն կոչումը:

Հայտնի է, որ զույգի առաջնեկը ծնվել է 2013թ., իսկ երկրորդ երեխան՝ 2015թ.: