Արցախի ՊՆ-ն դատապարտում է բանակը քաղաքական գործընթացների մեջ ներքաշելու բոլոր փորձերը. հայտարարություն
Միեւնույն ժամանակ Արցախի Հանրապետության պաշտպանության նախարարությունը խստիվ դատապարտում է բանակը քաղաքական գործընթացների մեջ ներքաշելու բոլոր փորձերը: Այս մասին հայտարարություն է տարածել Արցախի պաշտպանության նախարարությունը:
Հայտարարությունում ասվում է.
«Վերջին օրերին սոցիալական ցանցերում հրապարակվել են մի շարք կոչեր եւ լուսանկարներ, որոնք վկայում են բանակը քաղաքական գործընթացների, հակասահմանադրական գործողությունների մեջ ներքաշելու՝ որոշ ուժերի կողմից ձեռնարկվող փորձերի մասին:
Ձեռնպահ մնալով ՀՀ-ում ընթացող գործընթացների վերաբերյալ գնահատականներ հնչեցնելուց՝ Արցախի Հանրապետության պաշտպանության նախարարությունն իր խորին մտահոգությունն է հայտնում երկրի կայունությանն ու անվտանգությանը սպառնացող դրսեւորումների վերաբերյալ:
Արցախի Հանրապետության պաշտպանության նախարարությունը հայտարարում է, որ բանակն ապաքաղաքական կառույց է, որի կարեւորագույն խնդիրը երկրի սահմանների անվտանգության ապահովումն է: Բանակը գործել եւ այսուհետ եւս գործելու է բացառապես պաշտպանական ոլորտը կարգավորող օրենսդրությանը համապատասխան:
Միեւնույն ժամանակ Արցախի Հանրապետության պաշտպանության նախարարությունը խստիվ դատապարտում է բանակը քաղաքական գործընթացների մեջ ներքաշելու բոլոր փորձերը եւ զգուշացնում է դրանք ձեռնարկողներին իրենց գործողությունների իրավական հետեւանքների մասին»
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Երթևեկության կազմակերպման փոփոխություն՝ Վարդանանց փողոցում
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Սպիտակ տունը գործարկել է Trump TV-ն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Փոխվում է Գերմանիայի քաղաքական քարտեզը