Սան Ֆրանցիսկոյում ավերիչ երկրաշարժ են կանխատեսել

Գիտնականները Քալիֆորնիայից եւ Կոլորադոյից ոչ մխիթարական կանխատեսում են արել՝ մոդելավորելով 7 բալ մագնիտուդով երկրաշարժի հետեւանքները, որը կարող է տեղի ունենալ Բեյ Էրիայում Հեյվորդի տեկտոնական բեկվածքի պատճառով, հայտնում է USA.one-ը։

ԱՄՆ-ի Երկրաբանական ծառայության (United States Geological Surveу) փորձագետների կարծիքով՝ Հոյվորդը, որը անցնում է Սան Ֆրանցիսկոյի ծովածոցի խիտ բնակեցված ափով, հանդիսանում է առավել ակտիվ եւ վտանգավոր բեկվածքներից մեկն աշխարհում։ «Եթե այսօր երկրաշարժ լինի, ապա կզոհվի 800 մարդ, եւս 18 հազարն էլ վնասվածք կստանա։ Ինչպես նաեւ կավերվեն 77 հազար տներ, իսկ Սան Ֆրանցիսկոյի շատ գրասենյակային եւ բնակելի շենքեր պիտանի չեն լինի շահագործման համար մինչեւ 10 ամիս»,-նշված է կանխատեսման մեջ։