Ըստ բրիտանական մամուլի՝ Յուլիա Սկրիպալը գտնվում է զինվորական հոսպիտալում

Ռուսաստանի ռազմական հետախուզության նախկին գնդապետ Սերգեյ Սկրիպալի դուստրը՝ 33-ամյա Յուլիա Սկրիպալը Սոլսբերիի հիվանդանոցից տեղափոխվել է Բրիտանիայի ռազմակայաններից մեկի հոսպիտալ: Այս մասին գրում է The Sun պարբերականը՝ վկայակոչելով իր աղբյուրները:

Պարբերականի տեղեկություններով՝ Յուլիա Սկրիպալը ռազմակայանի հոսպիտալ է տեղափոխվել նրա անվտանգությունը ապահովելու ու ապաքինմանը հետևելու նկատառումներից ելնելով:

Երեկ պաշտոնապես հայտարարվեց, որ Յուլիա Սկրիպալը դուրս է գրվել Սոլսբերիի հիվանդանոցից, որտեղ նա և Սերգեյ Սկրիպալը տեղափոխվել էին մարտի 4-ին՝ քիմիական ուժեղ նյութով թունավորումից հետո:

Նրանց վրա քիմիական «Նովիչոկ» նյութով կատարված հարձակման համար Բրիտանիան մեղադրում է Ռուսաստանին: Մոսկվան հերքում է մեղադրանքները՝ դրանք համարելով անհիմն:

Այս թեմայով Սկրիպալներին «թունավորողին» նկատել են ՌԴ գլխավոր հետախուզական վարչության գեներալի դստեր հարսանիքին (լուսանկար) Սերգեյ Սկրիպալը թունավորման դեպքից հետո առաջին անգամ զանգահարել է հարազատներին Սկրիպալների գործով ԱՄՆ-ն նոր պատժամիջոցներ է պատրաստում Ռուսաստանի դեմ Վիկտորյա Սկրիպալը պատմել է «տառապանքների տարվա» մասին Սերգեյ Սկրիպալի առողջական վիճակը վատացել է