«Մենք լավ գիտենք՝ երբ և ում հանձնել Աֆրինը». Էրդողանի պատասխանը Լավրովին
Թուրքիայի նախագահ Ռեջեփ Թայիփ Էրդողանը քննադատել է Ռուսաստանի Դաշնության արտաքին գործերի նախարար Սերգեյ Լավրովին, որը նախօրեին հույս էր հայտնել, որ թուրքական ԶՈւ-ն Սիրիայի իշխանություններին կհանձնի Աֆրինը:
Ինչպես գրում է թուրքական «Աքշամ» պարբերականը, Էրդողանը նշել է, որ իրենք լավ գիտեն, թե երբ և ում պետք է հանձնեն Աֆրինը:
«Լավրովի մոտեցումը շատ սխալ է: Մենք բոլորից լավ գիտենք, թե ում տալ Աֆրինը, և երբ ժամանակը գա, մենք այն կհանձնենք տեղի ժողովրդին», - հայտարարել է Թուրքիայի նախագահը:
Ավելի վաղ Թուրքիայի փոխվարչապետ Բեքիր Բոզդաղը հայտարարել է, որ թուրքական ԶՈւ-ն կլքի Աֆրինը, երբ սիրիական հիմնախնդիրը գտնի իր քաղաքական հանգուցալուծումը:
Հիշեցնենք, որ նախօրեին Լավրովը հայտարարել է, որ Թուրքիան պետք է Դամասկոսի ենթակայությանը հանձնի երկրի հյուսիսում գտնվող քրդաբնակ Աֆրինը:
Հունվարի 20-ին թուրքական ԶՈւ-ն սկսել է Սիրիայի հյուսիսում գտնվող քրդական ազգային զինված ջոկատների (PYD/YPG) դեմ ռազմական գործողությունը, որը ստացել է «Ձիթենու ճյուղ» անվանումը: Թուրքական ԶՈւ-ն Աֆրինի կենտրոնը գրավել է մարտի 18-ին:
Ֆինն Գերագուսյանը նշեց իր նորամուտը Հայաստանի հավաքականի կազմում
Իրանի ծանր ջրի արտադրության գործարանն այլևս չի գործում. ԱԷՄԳ
Անգլիայի Դերբի քաղաքում մեքենան մխրճվել է մարդկանց խմբի մեջ
Հայաստանում ԱՄՆ դեսպանատունը զգուշացնում է
Այսօրվանից վերսկսվում են Կապան-Երևան-Կապան թռիչքները․ Խուդաթյան
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
Տիբո Կուրտուայի վնասվածքն ավելի լուրջ է, քան կանխատեսվում էր
«Վարչաբենդի» համերգը տեղի կունենա ապրիլի 4-ին՝ ժամը 20.00-ին
Սուրբ Աննա եկեղեցում տեղի ունեցած միջադեպի առթիվ նախաձեռնվել է քրեական վարույթ, կա 3 ձերբակալված․ ՔԿ