Մեկ տարում աշխարհում 11 000 ահաբեկչություն է տեղի ունեցել. ՄԱԿ

Անցյալ տարի ողջ աշխարհում 11 000 ահաբեկչական գործողություն է իրականացվել, որոնց հետևանքով 25 000 մարդ է զոհվել: Այս մասին հայտնել է ՄԱԿ-ի գլխավոր քարտուղարի տեղակալ, կազմակերպության Հակաահաբեկչական վարչության ղեկավար Վլադիմիր Վորոնկովը:

«2017-ին 11 000 ահաբեկչություն է իրականացվել ավելի քան 100 երկրում: Դրանց հետևանքով 25 000 մարդ է մահացել, 33 000-ը՝ վիրավորվել», - Интерфакс գործակալությունը մեջբերում է Վորոնկովի խոսքը:

Նրա խոսքով՝ այդ ահաբեկչությունների հետևանքով պատճառված համախառն տնտեսական վնասը կազմել է 90 մլրդ դոլար: