Ովքեր են լինելու խորհրդարանի հիմնական ուժերը

Խորհրդարանական տեղերի համար պայքարի է դուրս եկել 4 դաշինք եւ 5 կուսակցություն: Ընդգծենք սակայն, որ այս ուժերը ոչ միայն պայքարելու են խորհրդարանական տեղերի, այլ իշխանություն ձեւավորելու համար: Հիշեցնենք՝ այլեւս նախագահական ընտրություններ չեն լինելու:

Չնայած պաշտոնապես քարոզարշավը չի սկսվել, բայց արդեն իսկ պարզ է, որ ՀՀԿ-ն որպես հիմնական հակառակորդ տեսնում է «Օհանյան-Րաֆֆի-Օսկանյան» եւ «Ծառուկյան» դաշինքին:

Պատահական չէ, որ քարոզչամեքենան աննախադեպ եւ լօայնածավալ հարձակում է սկսել Սեյրան Օհանյանի, Րաֆֆի Հովհաննիսյանի եւ Վարդան Օսկանյանի ղեկավարած դաշինքի դեմ: Որքան հարձակումն ուժգնանում եւ կեղտոտ դրսեւորումներ է ստանում, այնքան ընտրողը, հայ ժողովուրդը ավելի լավ է տեսնում, թե ով է իր կողքին կանգնած ուժը:

Հիմա շատերին է հետաքրքրում, թե ինչ վիճակում է գտնվում ՀՀԿ-ն, եր որքան «ջայն կարող է խփել» այս անգամ: ՀՀԿ-ում վստահ են, որ ռեյտինգային ընտրակարգով առաջադրված թեկնածուները միմյանց դեմ պայքարելով կապահովեն Սերժ Սարգսյանին անհրաժեշտ ձայները: Այսուհանդերձ, ՀՀԿ-ում քաջատեղյակ են, թե իրականում որքան է իրենց կուսակցության իրական վարկանիշը, որն ավելի մոտ է 0-ին, քան 10-ին:

Բնականաբար, վարչական ռեսուրսների օգտագործմամբ, հին եւ կեղտոտ մեթոդների գործադրմամբ ՀՀԿ-ն փորձելու է ձայներ ստանալ, բայց վստահաբար կարելի է ասել, որ այն բավրար չի լինելու իշխանություն ձեւավորելու համար:

Եթե ՀՀԿ-ն վստահ լիներ իր ուժերին, ապա աննախադեպ արշավ չէր սկսի «Օհանյան-Րաֆֆի-Օսկանյան» դաշինքի դեմ: ՀՀԿ-ի համար որքան մոտենան ընտրությունները, այնքան ավելի դժվար է լինելու, քանի որ ավելի շատ ընտրողներ են հասկանալու, որ ռեյտինգային հանրապետականին ձայն տալով ձայն են տալու Սերժ Սարգսյանի ՀՀԿ-ին եւ հրաժարվելու են իրենց մտադրությունից:

ՀՀ քաղաքացին փոփոխություններ է ուզում, արմատական փոփոխություններ: Այդ իսկ պատճառով չի պատրաստվում քվեարկել ՀՀԿ-ի օգտին: Բնականաբար, ՀՀԿ ղեկավարությունը քաջատեղյակ է այս մասին, եւ փորձում է անհուսության մթնոլորտ ստեղծել: Անհուսության մթնոլորտում ավելի շատ մարդ կգտնվի, որը կնախընտրի քվեարկել ընտրակաշառք ստանալուց հետո:

Հիմա հերթը այստեղ քաղաքական այն ուժերինն է, որոնք մասնակցում են ընտրություններին: Նրանք պետք է կոտրեն անհուսության մթնոլորտը, գաղջը: Եւ այստեղ արդեն կերեւա, թե ովքեր են իսկապես նախագահական նստավայրից դուրս գտնվող ուժերը:

Եթե այս կամ այն ուժը իշխանություններին թողած քննադատում է «Ծառուկյան» դաշինքին կամ «Օհանյան-Րաֆֆի-Օսկանյան» դաշինքին, ապա ժողովուրդը շատ հեշտ կկողմնորոշվի եւ կկատարի իր ընտրությունը:

Որեւէ մեկին նեղացնելու մտադրություն չունենք, բայց իրականությունն այն է, որ ընտրություններում հիմնական խաղացողները լինելու են երեքը՝ ՀՀԿ-ն, «Օհանյան-Րաֆֆի-Օսկանյան» եւ «Ծառուկյան» դաշինքը:

Իրականությունն  այսպիսին է եւ առաջիկայում բավական հետաքրքիր զարգացումներ տեղի կունենան:

Գագիկ Մարտիրոսյան

Այս թեմայով Արցախցիների վերադարձի Իրավունքի ամուր հիմքերն այսօր արդեն դրված են. Վարդան Օսկանյան Եթե նպատակը իսկական խաղաղությունն է, այն պետք է վստահություն ներշնչի երկու կողմերին էլ Օսկանյանը նամակներ է հղել դեսպաններին՝ կոչ անելով ՀՀ իշխանությունների առջև բարձրացնել քաղբանտարկյալների հարցը Այսօր Լեռնային Ղարաբաղի հարցն ունի նոր ընկալում և աջակցություն․ Վարդան Օսկանյան Սեյրան Օհանյանի և Արծվիկ Մինասյանի դեմ քրգործ են ուզում հարուցել