ՌԴ-ն արտաքսում է 60 ամերիկացի դիվանագետների եւ փակում է Սանկտ Պետերբուրգում հյուպատոսությունը

ԱՄՆ հանդեպ պատասխան միջոցները ներառում են նույն թվով դիվանագետների արտաքսում, հաղորդել է ՌԴ ԱԳ նախարար Սերգեյ Լավրովը, հայտնում է «ՌԻԱ Նովոստին»:

Նախարարի խոսքով՝ ԱՄՆ դեսպանը հրավիրվել է ՌԴ ԱԳՆ, որտեղ նրան տեղեկացնում են ռուս դիվանագետների արտաքսմանն ի պատասխան միջոցների մասին: «Այս պահին ՌԴ-ում ԱՄՆ դեսպան Ջոն Հանթսմանը հրավիրված է մեր նախարարություն, որտեղ իմ տեղակալ Սերգեյ Ռյաբկովը հայտնում է նրան Միացյալ Նահանգների դեմ ուղղված պատասխան միջոցների բովանդակությունը», - ասել է նա: «Այն ներառում է նույն թվով դիվանագետների արտաքսում եւ Սանկտ Պետերբուրգում հյուպատոսության գործունեության թույլտվության կասեցման մասին մեր որոշումը», - ասել է նա, հաղորդում է ՏԱՍՍ-ը:

Սերգեյ Լավրովը նաեւ ասել է, որ բացի ԱՄՆ-ից, այլ երկրների նկատմամբ Մոսկվայի միջոցները, ի պատասխան ռուս դիվանագետների արտաքսմանը, նույնպես հայելային կլինեն:

Նշենք, որ ավելի վաղ ԱՄՆ-ն արտաքսել էր 60 ռուս դիվանագետների եւ փակել Սիեթլում Ռուսաստանի Դաշնության գլխավոր հյուպատոսությունը՝ նախկին ռուսական լրտես Սերգեյ Սկրիպալի թունավորման հետ կապված:

news.am

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)