Ժնեւում մեկնարկում է Հարավային Օսիայի եւ Աբխազիայի հարցով բանակցությունների հերթական փուլը
Այսօր Ժնևում կմեկնարկի Հարավային Օսիայում և Աբխազիայում տիրող կացությանը նվիրված բազմակողմ բանակցությունների հերթական՝ 43-րդ փուլը: Բանակցային այս փուլի գլխավոր ինտրիգը մեկն է` արդյո՞ք կողմերը կհամաձայնեն համատեղ հայտարարություն ընդունել, որով կպարտավորվեն զերծ մնալ հակամարտության գոտիներում ուժի կիրառումից:
«Ռուսաստանը պետք է հստակ պարտավորություն ստանձնի, որ կատարելու է 2008 թվականին ստորագրված համաձայնագրի դրույթները և Վրաստանի դեմ ուժ չի կիրառելու: Մինչ օրս այդ համաձայնագիրն ամբողջությամբ կյանքի չի կոչվել: Այդ պայմանագրի վեցերորդ կետով, օրինակ, սահմանվում էր, որ գրավյալ տարածքներում պետք է միջազգային անվտանգության մեխանիզմները ստեղծվեն, ինչը մինչ օրս չի կատարվել», - Ժնև մեկնելուց առաջ հայտարարում էր Վրաստանի փոխարտգործնախարար Դավիթ Դոնդուան:
Նշենք, ի դեպ, որ վրացական պատվիրակության ղեկավարը Շվեյցարիա մեկնելուց առաջ հանդիպել էր խորհրդարանում ներկայացված բոլոր քաղաքական ուժերի հետ: Եթե իշխող «Վրացական երազանք»-ի ներկայացուցիչները բավական լավատեսորեն էին տրամադրված, ապա ընդդիմությունը վստահ է` բանակցությունների ժնևյան ֆորմատը պաշտոնական Մոսկվան օգտագործում է իրեն ոչ թե որպես հակամարտության մասնակից, այլ անկողմնակալ միջնորդ ներկայացնելու նպատակով:
«Խորհրդարանական փոքրամասնության հետ այս հանդիպման ընթացքում արտաքին գործերի փոխնախարարը մեզ փաստորեն պատմում էր, թե ինչպես է վրացական կողմը փորձում բանակցություններում արձանագրված հաջողության պատրանք ստեղծել: Իրականում, ամենակարևորը թույլ չտալն է, որպեսզի Ռուսաստանը իրեն հակամարտության կողմի փոխարեն ներկայացնի որպես միջնորդ», - նշում էր «Եվրոպական Վրաստան» խմբակցության անդամ Գիորգի Կանդելակին:
Վերջում հիշեցնենք, որ բանակցությունների ժնևյան ձևաչափը ստեղծվեց 2008 թվականի օգոստոսյան պատերազմից անմիջապես հետո: Բանակցությունները ընթանում են Եվրամիության, ԵԱՀԿ-ի և ՄԱԿ-ի համանախագահությամբ, դրանց մասնակցում են Ռուսաստանի, Միացյալ Նահանգների, Վրաստանի դիվանագետները, ինչպես նաև հակամարտության առարկա հանդիսացող երկու ինքնահռչակ հանրապետությունների` Հարավային Օսիայի և Աբխազիայի իշխանությունները:
Դիմակավորված և զինված անձանց կողմից Փաշինյանի հասցեին սպառնալիքներ պարունակող տեսանյութի առնչությամբ...
Հազա՛ր ամոթ. ՀՌՀ նախագահը՝ նախընտրական քարոզչության անվան տակ տարածվող հայատյաց բովանդակության մասին
ՌԴ պետական ռեեստրում Նարեկ Կարապետյանը նշված է որպես ՌԴ քաղաքացի
Ռուսաստանը և Ուկրաինան իրականացրել են «205-ը 205-ի դիմաց» ձևաչափով ռազմագերիների փոխանակում
ԱՄՆ-ն Չինաստանի օգնության կարիքը չունի Իրանի հարցում. Ռուբիո
Մեկնարկում է 2026-ի «100 գաղափար Հայաստանի համար» մրցույթի հայտերի ընդունման փուլը
Շակիրան Իսպանիայի կառավարությունից 55 միլիոն եվրո հարկային վերադարձ է ստացել
ԱՄՆ-ն համաձայնել է սառեցնել Իրանի դեմ պատժամիջոցները.Tasnim
Ադրբեջանը անկեղծ շահագրգռված է Հայաստանի հետ հակամարտության դադերցմամբ. Բայրամով
Հայաստանի պատվիրակը չհաղթահարեց «Եվրատեսիլ 2026»-ի երկրորդ կիսաեզրափակիչը