Աման Տուլեեւը ներողություն է խնդրել ոչ թե ժողովրդից, այլ Պուտինից

Կեմերովոյի նահանգապետ Աման Տուլեեւը Կեմերովոյի առեւտրի կենտրոնում տեղի ունեցած հրդեհի համար ներողություն է խնդրել ՌԴ նախագահ Վլադիմիր Պուտինից: .

«Վլադիմիր Վլադիմիրովիչ, դուք անձամբ զանգահյարել եք ինձ: Մեծագույն շնորհակալություն ձեզ մեկ անգամ եւս: Անձամբ ձեզնից ներողություն եմ խնդրում կատարվածի համար»,- ասել է նա Կեմերովոյում տեղի ունեցած խորհրդակցության ժամանակ:

«Եւ երբ ես զանգ ստացա, որ զոհվել է իմ զարմուհին, ես արդեն ամեն ինչ հասկացա, բայց կրկին ձեզ չզանգահարեցի, քանի որ պատկերն արդեն գրեթե ամբողջովին պարզ էր: Իսկ մնացածը, ինչպես դուք շատ լավ ասացիք՝ ամենաթողություն, թողտվություն եւ հանցագործություն է»,- ավելացրել է նա: 

Տուլեեւը նաեւ Պուտինին ասել է, որ Կեմերովոյի կենտրոնում ինքնաբուխ հանրահավաք է տեղի ունենում:

Պատասխանելով Տուլեեւի հնարավոր պաշտոնանկության մասին հարցին, Պուտինն ասել է, թե նախ պետք է ճշտել, թե ով եւ ինչքան է մեղավոր: 

Top-News.am

Այս թեմայով Կեմերովոյի առևտրի կենտրոնում խոշոր հրդեհից հետո հրաժարական տված Աման Տուլեևը նոր պաշտոն է ստացել Կեմերովոյի նահանգապետը հրաժարական է տվել «Վազում էին, ինձ թվաց ֆիլմից են ուշանում...». Կեմերովոյում հրդեհի ժամանակ հայ մարզիկը երեխաների է փրկել Կեմերովոյում անհետ կորածների թիվը դեռ չեն հրապարակի Ռուսաստանում սգո օր է