Սկրիպալը եւ նրա դուստրը թունավորման օրը չորս ժամով անջատել էին իրենց հեռախոսների GPS ֆունկցիան

Գլխավոր հետախուզության վարչության նախկին գնդապետ Սերգեյ Սկրիպալը եւ նրա դուստրը՝ Յուլիան, 4 ժամով անջատել էին իրենց հեռախոսների GPS ֆունկցիան այն օրը, երբ նրանց անգիտակից վիճակում գտել էին Սոլսբերիում նստարանի վրա, փոխանցում է «ՏԱՍՍ»-ը՝ վկայակոչելով The Times-ը:

«Այսպիսի քայլերը կարող էին թույլ տալ 66-ամյա Սկրիպալին եւ նրա 33-ամյա դստեր Յուլիային գաղտնի հանդիպում անցկացնել»,- նշվում է նյութում: Սքոթլենդ Յարդի պաշտոնական ներկայացուցիչը կիրակի օրը հրաժարվել էր պարբերականի հետ քննարկել այդ դետալը: «Մենք պատրաստ չենք հետաքննությանը վերաբերող մեկնաբանություններ ներկայացնել»,- նշել է նա:

Հրապարակված տվյալների համաձայն՝ մարտի 4-ին՝ տեղական ժամանակով 09:15-ին, Սկրիպալները այցելել են գերեզմանոց, որտեղ թաղված են Սերգեի կինը եւ որդին: Այնուհետեւ՝ ժամը 13:30-ին, կանգնեցրել են ավտոմեքենան Սոլսբերի ավտոկայանատեղիում, մտել են գարեջրատուն, իսկ հետո՝ ռեստորան: The Times-ը ենթադրում է, որ բջջային կապի օգտագործման վերաբերյալ համապատասխան տեղեկությունները քննությանը տրամադրել են պրովայդերները:

Լուրեր Հայաստանից - NEWS.am