Թրամփը զանգել է Պուտինին

ԱՄՆ նախագահ Դոնալդ Թրամփը շնորհավորել է Ռուսաստանի նախագահ Վլադիմիր Պուտինին նախագահական ընտրություններում հաղթելու կապակցությամբ, հաղորդում է Կրեմլի մամուլի ծառայությունը:

Հեռախոսազրույցի ընթացքում երկու երկրների ղեկավարները խոսել են տարբեր ոլորտներում գործնական համագործակցության զարգացման, այդ թվում ռազմավարական կայունության եւ միջազգային ահաբեկչության դեմ պայքարի հարցերում: Մասնավորապես, ընդգծվել է սպառազինությունների մրցավազքի սահմանափակմանն ուղղված համակարգված ջանքերի կարեւորությունը:

Քննարկվել է նաեւ սիրիական խնդիրը եւ Ուկրաինայի ներքին ճգնաժամը: Երկուստեք նշվել է, որ դրանց կարգավորման հարցում անհրաժեշտ է արագ առաջընթացների հասել:

Կողմերը գոհունակություն են հայտնել Կորեական թերակղզում լարվածության որոշակի նվազման առումով: Շեշտվել է իրավիճակը խաղաղ, դիվանագիտական միջոցներով լուծելու հետեւողական ջանքերի շարունակման նպատակահարմարությունը:

news.am

Այս թեմայով ԱՄՆ Սենատը հավանություն է տվել Թրամփի ռազմական լիազորությունները սահմանափակող օրինագծին Թրամփը հայտարարել է Իրանի հետ բանակցություններում բեկման և Ծոցում ռազմական գործողության կասեցման մասին Թրամփը պաշտոնից ազատել է գլխավոր դատախազ Փեմ Բոնդիին Թրամփը սպառնացել է ոչնչացնել Իրանի կամուրջներն ու էլեկտրակայանները ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը