Արքայազն Հարիի հարսնացուն ամուսնությունից առաջ գաղտնի մկրտվել է՝ դառնալով Անգլիկան եկեղեցու հետևորդ

Ամերիկացի դերասանուհի Մեգան Մարքլը գաղտնի արարողության ժամանակ մկրտվել է՝ դառնալով Անգլիկան եկեղեցու հետևորդ, հայտնում է The Daily Mail-ը՝ մանրամասնելով, որ մկրտությունն իրականացվել է մարտի 6-ին՝ Քենթերբերիի արքեպիսկոպոսի կողմից:

Քառասունհինգ րոպեանոց արարողության ընթացքում Մարքլի կողքին են եղել փեսացուն՝ արքայազն Հարին, սկեսրայրը՝ արքայազն Չարլզը, ու նրա կինը՝ Քորնուելի դքսուհին:

Բրիտանական պարբերականը նկատում է, որ Հարիի հետ ամուսնությունից 2 ամիս առաջ անգլիկանություն ընդունելը շրջադարձային պահ է հարսնացուի համար՝ ամուսնալուծված դերասանուհուց թագուհի Էլիզաբեթ 2-րդի հարսը դառնալու ճանապարհին:

Հայտնի է, որ Մարքլի համար պարտադիր չէր արքայազնի հետ ամուսնանալու համար անգլիկանություն ընդունելը, սակայն Մարքլը որոշել է մկրտվել ու, այդպիսով, ցույց տալ իր հարգանքը թագուհու՝ Անգլիկան եկեղեցու գլուխը լինելու փաստի նկատմամբ:

 Հայտնի է, որ Մեգան Մարքլն ու արքայազն Հարին ամուսնանալու են մայիսի 19-ին՝ Վինձորյան դղյակում: