«Քաջ» ադրբեջանցիները եւ միամիտ հայերը
Ադրբեջանում շուտով նախագահի ընտրություններ են: Բնականաբար, մինչեւ ընտրությունները հնչելու են պոպուլիստական բազմաթիվ հայտարարություններ: Դրանցից մեկն Իլհամ Ալիեւն արդեն արել է, ասելով, թե Երեւանը ադրբեջանական հող է, եւ ապագայում այն պետք է ազատագրենք:
Դրանից հետո Ադրբեջանի պաշտպանության նախարար Զաքիր Հասանովը խորհրդակցություն է հրավիրել եւ գեներալներին ու գնդապետներին առաջարկել ուշադիր լսել եւ կարդալ Իլհամ Ալիեւի վերոհիշյալ ելույթը:
Այս ամենը շատ պարզ է եւ հասկանալի, եթե հիշենք, որ խոսքը Ադրբեջանի մասին է: Ի դեպ, Ալիեւը առաջին անգամը չէ, որ խոսում է Երեւանի «ազատագրման» մասին:
Իհարկե, հասկանալի է, որ որոշ, այսպես կոչված, լրատվամիջոցներ ամեն ինչ անում են դիտում ապահովելու համար եւ թքած ունեն շարքային ընթերցողների ապրումների վրա եւ դրա համար էլ նյութը վերնագրում են. «Երեւանը եւ Սյունիքը «գրավելու» համար Զաքիր Հասանովը հավաքում է գեներալներին»:
Իլհամ Ալիեւի հիմար հայտարարությունն ընդամենը պետք է օգտագործել բանակցային գործընթացում հայկական կողմի դիրքերն ամրապնդելու համար, ինչն էլ, կարծես թե, արվում է: Իսկ պնդումները, թե Ալիեւի հայտարարությունից հետո մենք պետք է դուրս գանք բանակցային գործընթացից, ընդամենը ծիծաղ են առաջացնում: Տպավորություն է, կարծես մենք առիթ ենք փնտրում բանակցություններից դուրս գալու համար եւ չենք գտնում:
Եվ մենք մեր զգոնությունը միշտ պետք է պահենք ամենաբարձր մակարդակի վրա, եւ ոչ թե այն ժամանակ, երբ Ալիեւը հերթական պոպուլիստական հայտարարությունն անի։ Վտանգը բխում է ոչ թե նրա հիմար հայտարարություններից, այլ գնած զենքերից։
Մնում է ցավով արձանագրել, որ ինչպես հարյուր տարի առաջ, այնպես էլ հիմա, մենք նույն միամիտն ենք, բարեբախտությունն այն է, որ պետություն ունենք, բայց այս միամտությամբ պետություն չես կարող պահել:
Գեղամ Նազարյան
Գլխավոր խմբագիր
Top-News.am
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
Հայաստանում այսօրվանից մեկնարկել է խորհրդարանական ընտրությունների քարոզարշավը
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Տավուշի մարզում անցկացվել են հատուկ տակտիկական ուսումնավարժություններ
Արհեստների միջազգային 5-րդ փառատոնն այս տարի կանցկացվի Մեղրիում
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...