Իրանն ուժի մեջ է համարում ԱՄՆ-ի հետ կնքված փոխըմբռնման հուշագիրը
Իրանը համարում է, որ ԱՄՆ-ի հետ հունիսին կնքված Իսլամաբադի փոխըմբռնման հուշագիրը շարունակում է ուժի մեջ մնալ. Թեհրանը մտադիր է վերադառնալ Վաշինգտոնի հետ հակամարտությունը դիվանագիտական ճանապարհով կարգավորելու ուղուն։ «Արմենպրես»-ի փոխանցմամբ՝ այս մասին հայտարարել է Իսլամական Հանրապետության արտաքին գործերի նախարար Աբբաս Արաղչին Պեկինում իր չինացի գործընկեր Վան Իի հետ հանդիպման ժամանակ։
«Իրանը շահագրգռված չէ հակամարտության շարունակմամբ և հույս ունի վերադառնալ դիվանագիտական կարգավորմանը և միաժամանակ մտադիր է վճռականորեն պաշտպանել իր իրավունքներն ու շահերը։ Իրանական կողմը կարծում է, որ ԱՄՆ-ի և Իրանի միջև փոխըմբռնման հուշագիրը շարունակում է ուժի մեջ մնալ», - մեջբերում է նրա խոսքերը Չինաստանի կենտրոնական հեռուստատեսությունը։
Արաղչին նաև նշել է, որ Իրանն աջակցում է Չինաստանի նախագահ Սի Ծինփինի կողմից առաջ քաշված չորս նախաձեռնություններին՝ ուղղված Մերձավոր Արևելքում ընդհանուր անվտանգությանը նպաստելուն։ «Իրանական կողմը ողջունում և պաշտպանում է Մերձավոր Արևելքում խաղաղությունն ու կայունությունը պահպանելու նպատակով նախագահ Սի Ծինփինի ներկայացրած չորս առաջարկները, ինչպես նաև տարածաշրջանում ընդհանուր անվտանգության խթանմանն ուղղված չորս նախաձեռնությունները։ Իրանը պատրաստ է այս շրջանակներում ամրապնդել համագործակցությունը Չինաստանի հետ և ակնկալում է, որ չինական կողմն ավելի նշանակալի դեր կխաղա տարածաշրջանում խաղաղության և կայունության ապահովման գործում», - նշել է Իրանի ԱԳ նախարարը։
ՏԱՍՍ-ը հիշեցնում է, որ Սի Ծինփինը չորս նախաձեռնությունները ներկայացրել է սեպտեմբերի 2-ին Կահիրեում՝ Եգիպտոսի նախագահ Աբդել Ֆաթթահ աս-Սիսիի հետ բանակցությունների ընթացքում։ Դրանք կոչ են անում ամրապնդել մերձավորարևելյան երկրների ինքնուրույն դերը տարածաշրջանային անվտանգության ապահովման գործում, համալիր կերպով լուծել փոխկապակցված ճգնաժամերը, ամրապնդել երկարաժամկետ կայունության տնտեսական հիմքը և ուժեղացնել միջազգային համակարգումը՝ հիմնվելով ՄԱԿ-ի Կանոնադրության և միջազգային իրավունքի վրա։
Վան Իի հետ հանդիպման ժամանակ Արաղչին նաև հայտնել է, որ Իրանը և Օմանը համաձայնեցրել են Հորմուզի նեղուցի բացման վերաբերյալ ծրագիրը։
Վան Ին հերթին հայտարարել է, որ Չինաստանն Իրանի ռազմավարական գործընկերն է և պատրաստ է պաշտպանել Իսլամական Հանրապետության օրինական շահերը։
Չինաստանի ԱԳ նախարարը նաև նշել է, որ ԱՄՆ-Իրան հակամարտության շարունակական ձգձգումը չի համապատասխանում կողմերի, ինչպես նաև միջազգային հանրության շահերին, և կոչ է արել վերադառնալ Իսլամաբադի փոխըմբռնման հուշագրին։
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Հանրությանը մոլորեցնելու նպատակ ունեցող ապատեղեկատվություն
Եվրահանձնաժողովն իր աջակցությունն է հայտնել Լեհաստանի վարչապետին
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանական պատվիրակությունը Դոհայում բանակցություններ է վարել Կատարի միջնորդների հետ