Հայաստանի Օքսֆորդի շրջանավարտների բիզնես ակումբ
ԿԳՄՍ նախարար Ժաննա Անդրեասյանն այսօր հանդիպել է «Հայաստանի Օքսֆորդի շրջանավարտների բիզնես ակումբ» հասարակական կազմակերպության ներկայացուցիչներին: Հանդիպմանը ներկա է եղել նաև նախարարի տեղակալ Ալֆրեդ Քոչարյանը:
Կազմակերպության խորհրդի նախագահ Ալեքսանդր Շաղիկյանը ներկայացրել է կազմակերպության գործունեությունը՝ նշելով, որ ակումբը մասնագիտական հարթակ է, որը միավորում է մասնագիտական տարբեր ոլորտներում ընդգրկված Օքսֆորդի համալսարանի շրջանավարտներին։
Հանդիպման ընթացքում անդրադարձ է եղել հոկտեմբերի 5–6-ը Երևանում առաջին անգամ անցկացվելիք Հայաստան–Միացյալ Թագավորություն բիզնես համաժողովին, որն անցկացվում է ԿԳՄՍ և Էկոնոմիկայի նախարարությունների հետ համագործակցությամբ։ Հայաստանի Օքսֆորդի շրջանավարտների բիզնես ակումբի կողմից կազմակերպվող միջոցառման նպատակն է խթանել Հայաստանի և Միացյալ Թագավորության միջև տնտեսական համագործակցությունը, կրթական և մշակութային կապերի զարգացումը:
Նախարար Ժաննա Անդրեասյանը կարևորել է Հայաստանի Օքսֆորդի շրջանավարտների բիզնես ակումբի գործունեությունը՝ որպես կարևոր մասնագիտական հարթակ, որը հնարավորություն է տալիս գիտելիքի փոխանակման և մասնագիտական կապերի ձևավորման համար։ Նա ընդգծել է՝ ՀԿ-ի գործունեությունը համահունչ է աշխարհի լավագույն բուհերում կրթություն ստացած բարձր որակավորում ունեցող մասնագետների ներուժը պետության շահերին ծառայեցնելու Կառավարության քաղաքականությանը։
«Աշխարհի լավագույն բարձրագույն ուսումնական հաստատությունների ակադեմիական վարկանիշավորման ցանկի առաջին հինգ տասնյակում ընդգրկված բուհերում կրթություն ստացած ՀՀ քաղաքացիները կարող են ազատվել պարտադիր զինվորական ծառայությունից՝ առանվազն երեք տարի ՀՀ-ում սահմանված գերակա ոլորտներում աշխատելուց հետո»,- նշել է նախարարը:
Ժաննա Անդրեասյանն անդրադարձել է նաև բրիտանական կողմի հետ մշակույթի և կրթության ոլորտներում իրականացվող հաջողված ծրագրերին՝ հիշատակելով «Մայր աստվածություն. Անահիտից Մարիամ» ցուցադրությունը՝ կազմակերպված Հայաստանի պատմության թանգարանի և Բրիտանական թանգարանի համագործակցությամբ։
Ժաննա Անդրեասյանը կարևորել է նաև «Ակադեմիական քաղաք» ծրագրի շրջանակում բրիտանական կողմի հետ փոխգործակցությունը՝ հույս հայտնելով, որ այն կլինի շարունակական:
Հանդիպմանն անդրադարձ է եղել Հայաստան–Միացյալ Թագավորություն բիզնես համաժողովին բուհերի ներգրավմանը, առանձին միջոցառումների ձևաչափերին և կազմակերպական տարբեր հարցերին։
Մեծ շրջանառություն էր թաքցված. ՊԵԿ նախագահը՝ Ծառուկյանի բիզնեսի մասին
Թուրքիան աջակցություն է հայտնել Հորդանան գետի Արևմտյան ափի իսրայելական բնակավայրերի հետ առևտուրը սահ...
Ավարտին են մոտենում Քեթիի նոր կրթահամալիրի հարակից 7-րդ փողոցի հիմնանորոգման աշխատանքները
COP-17-ին ընդառաջ «Նորագյուղ» նոր ենթակայանի կառուցումն ավարտին է մոտենում. Պետրոսյան
Վարչապետը կմասնակցի Միջազգային տիեզերական գագաթնաժողովին
«Գարեգին Նժդեհ» կայարանում շարունակվում են շարժասանդուղքների փոխարինման աշխատանքները
Տրոեկուրովսկի գերեզմանատանը բացվել է Ֆիլիպ Կիրկորովի ծնողների հուշարձանը (տեսանյութ)
Կամային հաղթանակ սեփական հարկի տակ
Հայկական հնամենի թաղամասի պատմական սահմանները Կիեւում
ՀՀ պետական պարտքը 2026 թվականի հունիսի 30-ի դրությամբ 5 տրիլիոն 116 միլիարդ դրամ է