Իրինա Յոլյանը չընտրվեց ԱԺ տարածքային կառավարման և շրջակա միջավայրի պահպանության հարցերի հանձնաժողովի նախագահ
Ինչպես ավելի վաղ հայտնել էինք, «Ուժեղ Հայաստան» խմբակցությունը ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նախագահի պաշտոնում առաջադրել էր պատգամավոր Իրինա Յոլյանի թեկնածությունը։
Հաշվիչ հանձնախմբի նախագահ Լիլիթ Մինասյանը հայտնեց՝ ԱԺ 105 պատգամավորներից քվեարկությանը մասնակցել է 102-ը: Անվավեր է ճանաչվել 1 քվեաթերթիկ:
Փակ՝ գաղտնի քվեարկության համաձայն՝ Իրինա Յոլյանն ստացավ 38 կողմ, 63 դեմ ձայն: «Ըստ այդմ՝ որոշումը չի ընդունվել»,- ասաց ԱԺ նախագահի տեղակալ Հայկ Կոնջորյանը:
Այսպիսով, նա չընտրվեց ԱԺ տարածքային կառավարման և շրջակա միջավայրի պահպանության հարցերի հանձնաժողովի նախագահի պաշտոնում:
«Ուժեղ Հայաստան» խմբակցության քարտուղար Տիգրան Աբրահամյանը հայտնեց՝ «խմբակցությունը, հաշվի առնելով վերջին ժամանակաշրջանում և նաև այսօր իշխող ՔՊ խմբակցության ժողովրդավարական քայլերը և նախագահի թեկնածուին չընտրելը, «Ուժեղ Հայաստան» կուսակությունը ներկա պահին չի առաջադրում նածագահի թեկնածու և հայտնում է, որ նախագահի թեկնածու առաջադրելու է, ԱԺ կանոնակարգ օրենքով և օրենսդրությամբ սահմանված ժամկետում»:
ԱԺ նախագահ Ռուբեն Ռուբինյանը տեղեկացրեց՝ թեև ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նախագահ չի ընտրվել, սակայն առաջադրման իրավունքը պատկանում է «Ուժեղ Հայաստան» խմբակցությանը և նրանք դա կարող են անել հետո:
«Հետևաբար, այս փուլում, այս նստաշրջանի շրջանակում մենք ավարտեցինք հանձնաժողովների ձևավորումը, հարցի քննարկումն ավարտեցինք»,- ասաց ԱԺ նախագահը:

















































Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...