Քննարկվում է ԱԺ եվրոպական ինտեգրման հարցերի մշտական հանձնաժողովի նախագահի պաշտոնում Հարություն Հարությունյանի թեկնածությունը

«Ուժեղ Հայաստան» խմբակցությունն ԱԺ եվրոպական ինտեգրման հարցերի մշտական հանձնաժողովի նախագահի պաշտոնում առաջադրել է Հարություն Հարությունյանի թեկնածությունը: Նրան խորհրդարանում ներկայացրեց նույն խմբակցության պատգամավոր Արեգա Հովսեփյանը:

Հարություն Հարությունյանը ծնվել է 1986-ին Երևանում: 2007-ին ավարտել է Հայաստանում ֆրանսիական համալսարանի իրավաբանության ֆակուլտետը, 2009-ին՝ նույն համալսարանի մագիստրատուրան։

2003-2007 թթ․ եղել է Alliance Jeunesse միության նախագահ։ 2007-2008-ին եղել է Հայաստանում ֆրանսիական համալսարանի ուսանողական խորհրդի նախագահ:

2006-2007-ին աշխատել է «Բաղրամյանի պոլիկլինիկա և մոր ու մանկան պահպանության կենտրոն» ՓԲԸ-ում որպես իրավաբան։ 2008-2011 թթ․՝ ՀՀ վերաքննիչ քաղաքացիական դատարանի դատավորի օգնական։

2011 թվականից զբաղվում է փաստաբանական գործունեությամբ։ 2012 թվականից մինչև 2026 թ․ հուլիսի 29-ը եղել է «Իրավաբանական խորհրդատվական խումբ» ՍՊԸ տնօրեն։ 2015-2024 թթ․՝ ՀՀ փաստաբանների պալատի խորհրդի անդամ։

2019-2022 թթ․ աշխատել է ՀՀ ԱՆ «Ակադեմիկոս Ս․ Ավդալբեկյանի անվան առողջապահության ազգային ինստիտուտ» ՓԲԸ իրավաբան։ 2023-2024-ին՝ «Հայաստանի պետական հետաքրքրությունների ֆոնդ» ՓԲԸ դատական գործերի պատասխանատու:

2021-2025 թթ․ եղել է ՀՀ դատավորների ընդհանուր ժողովի էթիկայի և կարգապահական հարցերի հանձնաժողովի անդամ։ 2025-ին կրկին ընտրվել է նույն հանձնաժողովի ոչ դատավոր անդամ: