Ռուսական ուժերը օգոստոսի 20-ի գիշերը բալիստիկ հրթիռներով հարվածել են Կիևին։ Կիևի քաղաքային ռազմական վարչակազմի տվյալներով՝ հարձակման հետևանքով զոհվել է առնվազն հինգ մարդ, ևս 23-ը վիրավորվել են։
Ավելի վաղ Կիևի քաղաքապետ Վիտալի Կլիչկոն հայտնել էր երեք զոհի և 20 վիրավորի մասին։ Նրա խոսքով՝ տուժածներից 14-ը հոսպիտալացվել են, իսկ մյուսներին բժշկական օգնություն է ցուցաբերվել ամբուլատոր պայմաններում կամ դեպքի վայրում։
Հարձակման հետևանքով վնասներ են գրանցվել մայրաքաղաքի մի շարք շրջաններում։ Սոլոմյանսկի շրջանում հրթիռի բեկորներն ընկել են հինգհարկանի բնակելի շենքի մոտ։ Շենքի պատուհանները կոտրվել են, հրդեհ է բռնկվել։ Կլիչկոյի տվյալներով՝ վնասվել է նաև ինըհարկանի բնակելի շենք, որի վերջին հարկերը մասամբ ավերվել են։
Նույն շրջանում վնասվել է մանկական հիվանդանոցի շենքը, իսկ բուժհաստատության տարածքում մի քանի ավտոմեքենա է հրդեհվել։ Հաղորդվում է նաև, որ մեկ այլ հասցեում մարդիկ մնացել են ապաստարանում, և իրականացվում են նրանց դուրս բերելու աշխատանքներ։
Դարնիցկի և Սվյատոշինսկի շրջաններում հարձակման հետևանքով հրդեհներ են բռնկվել ոչ բնակելի շենքերում։
Դեպքի վայրերում աշխատում են փրկարարական և արտակարգ ծառայությունները։
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
ՆԳՆ քրեական ոստիկանները հերթական հանցավոր խումբն են վնասազերծել՝ կասեցնելով նրանց գործունեությունը
Ջերմուկ համայնքին կվերադարձվի 0.3 հա մակերեսով հողամաս
Աբու Դաբիի նավթային ընկերության երկու նավեր հարձակման են ենթարկվել Հորմուզի նեղուցում
Անվտանգության կանոնների պահպանումը՝ ջրահեղձությունների կանխարգելման կարևոր նախապայման․ ՆԳ նախարարութ...
Մեղրին՝ ԱՊՀ մշակութային մայրաքաղաք․ սեպտեմբերին համայնքում կմեկնարկի միջազգային կինոփառատոն
496 ապօրինի հատված ծառ՝ 114.7 մլն դրամի վնաս «Թումանյանի անտառտնտեսություն»-ում․ ԲԸՏՄ-ն հաղորդում է ...
Եթե իրավապահները պարզեն, որ խախտում կա, մենք կունենանք հերթական քաղբանտարկյալը. Ծովինար Վարդանյան
Թբիլիսիում քանդում են Սաակաշվիլու կառավարման տարիներին կառուցված «Ռիկեի կուժերը»
Ի՞նչ միտումներ կան անշարժ գույքի շուկայում
Կիևյան կամրջի աշխատանքներն ավարտվել են նախատեսվածից երկու շաբաթ շուտ