Հայաստանն ու Չեխիան խորացնում են համագործակցությունը ջրային ոլորտում
Ջրային կոմիտեի նախագահ Արամազդ Ղալամքարյանն ընդունել է ՀՀ-ում Չեխիայի Հանրապետության արտակարգ և լիազոր դեսպան Պետր Պիրունչիկին։ Այս մասին տեղեկացնում են Ջրային կոմիտեից:
Հանդիպման ընթացքում կողմերն անդրադարձել են Հայաստանի ջրային ռեսուրսների կառավարման, ջրամբարաշինության և կեղտաջրերի մաքրման ոլորտներում իրականացվող ու նախատեսվող ծրագրերին, ինչպես նաև հայ-չեխական համագործակցության ընդլայնման հնարավորություններին։
Ջրային կոմիտեի նախագահը նշել է, որ ջրային ռեսուրսների արդյունավետ կառավարումը, ենթակառուցվածքների զարգացումն ու արդիականացումը ՀՀ կառավարության առաջնահերթություններից են։
Ղալամքարյանը ներկայացրել է առաջիկա 10-15 տարիներին շուրջ 25 ջրամբարի կառուցման ծրագրերը՝ անդրադառնալով նաև Կապսի ջրամբարի կառուցման, ծավալի ավելացման և Եղվարդի ջրամբարի վերականգնման հնարավորություններին։
Առանձին անդրադարձ է կատարվել կեղտաջրերի մաքրմանը։ ՋԿ նախագահը նշել է, որ առաջնահերթ խնդիր է կեղտաջրերի՝ առանց համապատասխան մաքրման բնական միջավայր արտահոսքի բացառումը։
Ղալամքարյանը նշել է, որ Սևանա լճի ավազանում կեղտաջրերի մաքրման կայանների կառուցման և համապատասխան տեխնոլոգիական լուծումների ներդրման համար նախատեսվում է հայտարարել բաց միջազգային մրցույթներ։
Չեխական կողմը պատրաստակամություն է հայտնել տրամադրել փորձագիտական աջակցություն, ինչպես նաև ներկայացնել ջրային կառավարման ոլորտում մասնագիտացած չեխական ընկերությունների տեխնոլոգիական լուծումներն ու ծառայությունները։ Հայկական կողմին կփոխանցվի համապատասխան տեղեկատվական փաթեթ։
Կողմերը կարևորել են գործնական շփումների շարունակականությունը և պայմանավորվել ապահովել հետագա փորձագիտական հանդիպումների կազմակերպումը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Իրանական պատվիրակությունը Դոհայում բանակցություններ է վարել Կատարի միջնորդների հետ