Տիգրան Աբրահամյանը ներկայացրեց ԱԺ նախագահի տեղակալի թեկնածու Արամ Վարդևանյանի կենսագրությունը
Շարունակվում է ՀՀ ԱԺ իններորդ գումարման առաջին նստաշրջանը: ԱԺ նախագահի տեղակալի թեկնածու Արամ Վարդևանյանի կենսագրությունը ներկայացրեց «Ուժեղ Հայաստան» խմբակցության քարտուղար Տիգրան Աբրահամյանը:
Արամ Վարդևանյանը ծնվել է 1989 թվականի նոյեմբերի 1-ին Երևանում:
Աբրահամյանի խոսքով՝ նրա մասնագիտական ուղին հիմնված է հիմնարար կրթության ու բարձր պատասխանատվության վրա:
2009-ին ավարտել է Ռուս-հայկական (Սլավոնական) համալսարանում իրավաբանական ֆակուլտետը՝ «քրեական իրավունք և քրեական դատավարություն» մասնագիտացմամբ, 2011-ին՝ նույն ֆակուլտետի մագիստրատուրան՝ «քրեական իրավունք» մասնագիտացմամբ, 2013-ին՝ Հայաստանի ամերիկյան համալսարանի իրավաբանական ֆակուլտետի մագիստրատուրան:
2014-ին ավարտել է Հայ-ռուսական (Սլավոնական) համալսարանի իրավաբանական ֆակուլտետի ասպիրանտուրան, իրավաբանական գիտությունների թեկնածու է:
Վարդևանյանը 2014 թվականին ավարտել է Հայաստանի փաստաբանների դպրոցը, ունի փաստաբանի որակավորում, ՀՀ փաստաբանների պալատի անդամ է:
Ունի պետական ու մասնագիտական գործունեության հարուստ փորձ:
2013-2019 թվականներին զբաղվել է գիտահետազոտական գործունեությամբ, եղել է Հայաստանի ամերիկյան համալսարանի, Ռուս-հայկական համալսարանի, ինչպես նաևՀՀ արդարադատության ակադեմիայի դասախոս:
2014-2016-ին եղել է ՍԴ նախագահի խորհրդական: 2016-2017-ին եղել է վարչապետի օգնական, 2017-2018-ին՝ վարչապետի ավագ օգնական:
Արամ Վարդևանյանը 2021 թվականի հունիսի 20-ին Հայաստանում տեղի ունեցած Ազգային ժողովի արտահերթ ընտրություններին «Հայաստան» դաշինքից ընտրվել է Ազգային ժողովի պատգամավոր: 2022 թվականին վայր է դրել մանդատը:
2026 թվականի խորհրդարանական ընտրություններին մասնակցում է «Ուժեղ Հայաստան» կուսակցության ընտրական ցուցակով:
Ավելի վաղ ԱԺ նախագահի տեղակալների պաշտոններում ընտրվել էին «Քաղաքացիական պայմանագիր» խմբակցության անդամներ Վահագն Ալեքսանյանն ու Հայկ Կոնջորյանը։

















































Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...