Ռուսաստանը կաջակցի Լեռնային Ղարաբաղի հակամարտության կարգավորման գործընթացում Իտալիայի ջանքերին
Ռուսաստանը կաջակցի Իտալիայի ներկայացուցչության ջանքերին Մերձդնեստրի եւ Լեռնային Ղարաբաղի հակամարտությունների կարգավորման գործընթացներում: Այս մասին ԵԱՀԿ Մշտական խորհրդի նիստում հայտարարել է ՌԴ մշտական ներկայացուցիչ Ալեքսանդր Լուկաշեւիչը՝ ի պատասխան ԵԱՀԿ գործող նախագահ, Իտալիայի ԱԳ նախարար Ա. Ալֆանոյի հայտարարության:
«Մենք ամբողջությամբ կիսում ենք տարածաշրջանային հակամարտությունների կարգավորման ԵԱՀԿ ջանքերը շարունակելու Ձեր տրամադրվածությունը: Սա առաջին հերթին վերաբերում է Ուկրաինայի արեւելքում հակամարտությանը: Հակամարտության խաղաղ կարգավորմանը նպաստելու հարցում նախագահության կառուցողական դերի հույս ունենք: Անհրաժեշտ է Շփման խմբի բազմակողմանի աջակցություն որպես հակամարտող կողմերի՝ Կիեւի, Դոնեցկի եւ Լուգանսկի միջեւ ուղիղ բանակցությունների առանցքային ձեւաչափ: Դոնբասում խաղաղության հաստատման բանալին մինսկյան «Միջոցառումների համալիրի» ամբողջական կատարումն է: Անհրաժեշտ է հասնել կրակի դադարեցմանը, սպառազինությունների հետքաշմանը եւ ամբողջ քաղաքական փաթեթի կատարմանը՝ Դոնբասին հատուկ կարգավիճակ տալ, սահմանադրական բարեփոխումներ, համաներում եւ տեղական ընտրություններ անցկացնել: Դրանից զատ, նախագահությունը պետք է ապահովի Ուկրաինայում ԵԱՀԿ Հատուկ մոնիթորինգային առաքելության աշխատանքի իրապես օբյեկտիվ եւ անաչառ աշխատանքը:
Չի կարելի ջանքերը թուլացնել նաեւ այլ հակամարտությունների ուղղությամբ: Մենք շահագրգռված ենք Կոսովոյի խնդրի լուծմամբ՝ ՄԱԿ ԱԽ 1244 բանաձեւի հիման վրա: Կաջակցենք նախագահության ջանքերին մերձդնեստրյան եւ ղարաբաղյան հակամարտությունների կարգավորման գործընթացներում: Բարձր ենք գնահատում ԵԱՀԿ դերը Անդրկովկասում անվտանգության Ժնեւյան բանավեճի շրջանակում Վրաստանի, Աբխազիայի եւ Հարավային Օսիայի միջեւ երկխոսության հարցում»,- ասել է Լուկաշեւիչը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...