Visa-ն իր անվտանգությունը հանձնում է արհեստական բանականությանը

Visa-ն եւ  OpenAI-ն հայտարարել են ռազմավարական համագործակցության մասին, որի նպատակն է Visa վճարումներ գործակալային առեւտրում հնարավորինս անվտանգ դարձնել՝ ապահովելով անխափան եւ վստահելի վճարումներ OpenAI-ի հարթակներում: Ընկերությունները հայտարարությունն արել են Սան Ֆրանցիսկոյում կայացած Visa Payments Forum-ում:

Համագործակցության շրջանակում Visa-ն ԱԲ-ին կտրամադրի իր գլոբալ ցանցը, հավաստագրման հնարավորությունները եւ անվտանգության ենթակառուցվածքը։

Վրաստանում Visa-ի մամուլի գրասենյակից հայտնում են, որ Visa-ի վճարային հնարավորությունները կինտեգրվեն OpenAI-ի փորձառությունների մեջ՝ մշակողներին եւ վաճառողներին տալով գործակալների կողմից նախաձեռնված Visa վճարումներն ընդունելու պարզեցված միջոց:

«ԱԲ-ն առեւտուրը կփոխակերպի ավելի խորապես, քան երբեւէ արել են ինտերնետը կամ բջջային տեխնոլոգիաները,- ասել է Visa-ի ապրանքային եւ ռազմավարական զարգացման գծով գլխավոր տնօրեն Ջեք Ֆորեսթելը: - Քանի որ ԱԲ գործակալները դառնում են տնտեսության ակտիվ մասնակիցներ, Visa-ի նպատակն է ապահովել, որ գործարքները լինեն վստահելի, անվտանգ եւ անխափան: Հենց այդպիսի ենթակառուցվածք ենք մենք կառուցում OpenAI-ի նման գործընկերների հետ»,- շեշտել է նա: