KAT7 սպիտակուցը Ալցհեյմերի հիվանդության դեպքում կապված է նեյրոբորբոքման հետ. Neuron
Կենդանիների մոդելների վրա կատարված փորձերում և Ալցհեյմերի հիվանդություն ունեցող մարդկանց ուղեղի «հետմահու» նմուշների ուսումնասիրության ժամանակ պարզվել է, որ KAT7-ի ակտիվությունը կապված է նեյրոբորբոքման ուժեղացման և կոգնիտիվ ֆունկցիաների վատթարացման հետ։
Գիտնականները պարզել են, որ KAT7-ը գործում է որպես էպիգենետիկ կարգավորող, որն ազդում է միկրոգլիայում գեների աշխատանքի վրա։ Դրա բարձր ակտիվության դեպքում ուժեղանում է CMPK2 սպիտակուցի արտահայտվածությունը, ինչը հանգեցնում է միտոխոնդրիալ ԴՆԹ-ի արտադրանքի ավելացմանը և դրա արտահոսքին բջիջների ցիտոպլազմա։
Այդ «արտահոսքը» գործադրում է բորբոքման բնածին իմունային մեխանիզմներ, ներառյալ cGAS-STING և NLRP3 ազդանշանային ուղիները, որոնք սովորական վիճակում մասնակցում են օրգանիզմի պաշտպանությանը, բայց քրոնիկական ակտիվացման դեպքում նպաստում են նեյրոնների վնասմանը։
Արդյունքում՝ միկրոգլիան անցնում է մշտապես ակտիվացված բորբոքային վիճակի, ինչն ուժեղացնում է ուղեղի հյուսվածքի ախտահարումը, խափանում է սինապսների աշխատանքը և կարող է արագացնել կոգնիտիվ վիճակի անկումը։
Ալցհեյմերի հիվանդության կենդանական մոդելների և ուղեղի մարդկային նմուշների մոտ հայտնաբերվել է KAT7-ազդանշանային համալիրի բարձր ակտիվություն, ինչպես նաև նրա աշխատանքի հետ կապված էպիգենետկ մոդիֆիկացիայի մարկերներ։
Հատկապես կարևոր է, որ KAT7-ի ակտիվության ճնշումը՝ կամ գենետիկ հեռացումը միկրոգլիայում, կամ դեղերով արգելափակումը WM-3835 փորձնական միացության օգնությամբ, հանգեցրել է ուղեղի բորբոքման զգալի նվազման։ Կենդանիների մոտ, միևնույն ժամանակ, նվազել է ամիլոիդային բեռնվածությունը, բարելավվել է սինապտիկ ճկունությունը և վերականգնվել են հիշողության և վարքային թեստերի ուսուցման ցուցանիշները, ներառյալ Մորիսի ջրային լաբիրինթոսը։
Այս արդյունքները ցույց են տալիս, որ KAT7-ը միկրոգլիան պահում է քրոնիկական «մարտական պատրաստ վիճակում»՝ ուժեղացնելով նեյրոբորբոքումը և խորացնելով պաթոլոգիան Ալցհեյմերի հիվանդության դեպքում։
Դրա արգելափակումը հնարավոր է, որ կարող է նվազեցնել բորբոքումը և բարելավել կոգնիտիվ ֆունկցիաները, համենայն դեպս՝ մինչկլինիկական մոդելներում։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Էլեկտրաէներգիայի ընդհատումներ կլինեն Երևանում և մարզերում․ հասցեներ
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...