STI ֆորումում Պարույր Հովհաննիսյանը հանդես է եկել ելույթով
Տնտեսական և սոցիալական խորհրդի (ECOSOC) հովանու ներքո կայացած Կայուն զարգացման նպատակների իրականացման համար գիտության, տեխնոլոգիաների և նորարարության (STI) 11-րդ բազմաշահառու ֆորումի նախարարական նիստի շրջանակներում ՄԱԿ-ում Հայաստանի մշտական ներկայացուցիչ, դեսպան Պարույր Հովհաննիսյանը հանդես է եկել ելույթով՝ «Գիտություն-քաղաքականություն փոխկապակցության ամրապնդումը՝ հանուն կայուն զարգացման» խորագրի ներքո։ Այս մասին հայտնում է ՄԱԿ-ում ՀՀ մշտական ներկայացուցչությունը։
Դեսպան Հովհաննիսյանը ընդգծել է գիտություն-քաղաքականություն փոխգործակցության ամրապնդման կարևորությունը՝ որպես զարգացման համար գիտության, տեխնոլոգիաների ու նորարարության արդյունավետության բարձրացման միջոց։ Նա ընդգծել է թվային ենթակառուցվածքների, տվյալների հասանելիության և մարդկային կարողությունների ոլորտներում առկա բացերի հաղթահարման, ինչպես նաև ներառական և տվյալների վրա հիմնվախ նորարարական քաղաքականությունների խթանման անհրաժեշտությունը։
Դեսպանը նաև ներկայացրել է Հայաստանի ջանքերը թվային վերափոխման, կրթության և նորարարական էկոհամակարգերի զարգացման ուղղությամբ, այդ թվում՝ «ԹՈՒՄՈ» ստեղծարար տեխնոլոգիաների կենտրոնի միջոցով, ինչպես նաև կարևորել է գիտության, տեխնոլոգիաների և նորարարության դերը ֆինանսավորման բացերի, կապակցվածության խնդիրների և հատուկ իրավիճակում գտնվող երկրների, այդ թվում՝ դեպի ծով ելք չունեցող և միջին եկամուտ ունեցող երկրների կառուցվածքային խոցելիությունների հաղթահարման գործում։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Սիթի ՍՊ ընկերության մի քանի աղցանի արտադրությունը կասեցվել է
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ