Կովկասյան ընձառյուծի պահպանությունը բնական հավասարակշռության ու միջավայրի պահպանություն է. կվավերացվի համաձայնագիր
Ազգային ժողովի՝ մարտի 25-ի նիստին ՀՀ շրջակա միջավայրի նախարար Համբարձում Մաթևոսյանը ներկայացրեց «Խոշոր կատվազգիների հարցերով միջազգային դաշինքի վերաբերյալ» շրջանակային համաձայնագիրը վավերացնելու նախագիծը, որի նպատակն է խթանել խոշոր կատվազգիների պահպանության ոլորտում միջազգային համագործակցությունը, կանխել դրանց պոպուլյացիաների անկումը: Ըստ նախարարի՝ ՀՀ-ն այս նախաձեռնությանը միացել է 2025 թվականին՝ ստորագրելով համապատասխան փաստաթուղթ:
«Հայաստանի համար այս համաձայնագիրն ունի ոչ միայն միջազգային, այլև անմիջական նշանակություն: Մեր հարուստ կենսաբազմազանության մեջ առանձնահատուկ դեր ունի Կովկասյան ընձառյուծը, որը կենդանական աշխարհի հազվագյուտ և արժեքավոր ներկայացուցիչներից է»,- ասաց նա:
Նախարարը ընդգծեց՝ ընձառյուծն էկոհամակարգի կարևոր ցուցիչ է, այդ իսկ պատճառով ընձառյուծի պահպանությունը միայն մեկ կենդանատեսակի պահպանություն չէ, այլև բնական հավասարակշռության ու միջավայրի պահպանություն:
Նախարարը նաև ընդգծեց՝ ՀՀ անդամակցությունը համաձայնագրին միջազգային համագործակցությունը զարգացնելու, ինչպես նաև համատեղ հետազոտություններ իրականացնելու, կենսաբազմազանության պահպանության ոլորտում լավագույն փորձը կիրառելու հնարավորություն կտա:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Նիդերլանդները հրաժարվել է մասնակցել «Եվրատեսիլ 2027»-ին
Հոկտեմբերի 27-ի դեպքերից անցել է 27 տարի
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին
Սպասվում է առանց տեղումների եղանակ․ օդի ջերմաստիճանն էապես չի փոխվի
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
Արդար չէ մեզ մեղադրել քաղաքական բռնաճնշման համար