Հայաստանի նախագահն ու Կորեայի դեսպանը քննարկել են էներգետիկայի և բարձր տեխնոլոգիաների ոլորտներում համագործակցության հնարավորությունը
Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանի Հանրապետությունում Կորեայի Հանրապետության արտակարգ և լիազոր դեսպան Լի Սոկպենը։
Նախագահը շնորհավորել է դեսպանին պաշտոնը ստանձնելու կապակցությամբ և մաղթել արդյունավետ գործունեություն՝ ի նպաստ հայ-կորեական հարաբերությունների զարգացման։
Վահագն Խաչատուրյանը կարևորել է դեսպանի անձնական փորձն ու գիտելիքները մեր տարածաշրջանի վերաբերյալ՝ ընդգծելով, որ դրանք կարող են էական նպաստ բերել երկկողմ համագործակցության խորացմանը։
Նա նաև նշել է, որ Հայաստանի Հանրապետությունը մեծ կարևորություն է տալիս Արևելյան Ասիայի երկրների հետ հարաբերությունների զարգացմանը՝ առանձնահատուկ ընդգծելով Կորեայի Հանրապետության հետ համագործակցությունը, և ընդգծել է, որ առկա է զգալի ներուժ համատեղ ծրագրերի իրականացման համար՝ հատկապես բարձր տեխնոլոգիաների, էներգետիկայի, մշակույթի և զբոսաշրջության ոլորտներում։
Դեսպան Լի Սոկպենը շնորհակալություն է հայտնել ջերմ ընդունելության համար՝ ընդգծելով, որ Կորեայի Հանրապետությունը կարևորում է Հայաստանի հետ համագործակցությունը և աջակցում է տարածաշրջանում խաղաղության ու կայունության հաստատմանն ուղղված Հայաստանի ջանքերին։
Հանդիպման ընթացքում կողմերը քննարկել են էներգետիկայի, բարձր տեխնոլոգիաների և մի շարք այլ ոլորտներում համագործակցության ընդլայնման ուղիներն ու հնարավորությունները՝ ընդգծելով առկա փոխգործակցային ներուժի լիարժեք իրագործման ուղղությամբ հետևողական և նպատակային ջանքերի անհրաժեշտությունը։
Կողմերը կարևորել են նաև ժողովրդավարական ինստիտուտների կայացման, իրավական պետության ամրապնդման և համընդհանուր արժեքների պահպանության ուղղությամբ իրականացվող քայլերը՝ որպես կայուն և արդյունավետ համագործակցության հիմք։
Զրույցի ընթացքում առանձնահատուկ ընդգծվել է կրթության, զբոսաշրջության, մշակույթի և այլ մարդակենտրոն ոլորտներում արդեն ձևավորված կապերի հետագա ամրապնդման և սերտացման կարևորությունը՝ դիտարկելով դրանք որպես ժողովուրդների միջև փոխըմբռնման խորացման և երկարաժամկետ գործընկերության զարգացման կարևոր գործոններ։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Պետական արգելոցի ֆոտոթակարդները կրկին նկարահանել են կովկասյան ընձառյուծին
Մենք ուզում ենք, որ դուք օր առաջ տնավորվեք ՀՀ-ում
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Թրամփի խոսքերը Մակրոնի՝ պաշտոնից շուտափույթ hեռացման մասին, ստիպում են մտածել նրա հասցեին վենեսուելա...