Մերձավանում խուզարկություններ են կատարվում. «Հետք»
Քննչական կոմիտեն ոստիկանության ծառայողների հետ այս պահին խուզարկություններ է իրականացնում Արմավիրի մարզի մի շարք հասցեներում: «Հետքի» աղբյուրների փոխանցմամբ՝ իրավապահները զենք են փնտրում, քանի որ օպերատիվ տեղեկություններ են ստացել նախապատրաստվող հանցագործությունների մասին: Խուզարկությունները հիմնականում իրականացվում են Փարաքար համայնքի Մերձավան գյուղում: Քննչական կոմիտեից հաստատեցին խուզարկություններ կատարելու հանգամանքը, սակայն մանրամասներ չհայտնեցին:
Հիշեցնենք, որ 2025թ. սեփպտեմբերի 24-ին իր տան մոտ սպանվել է Փարաքար համայնքի ղեկավար Վալոդյա Գրիգորյանն ու ընկերը՝ Ոստիկանության աշխատակից Կարեն Աբրահամյանը: Դեպքի ժամանակ հրազենային վիրավորում է ստացել մեկ անձ՝ Արծրուն Գալստյանը: Դիմակավորված և ձեռնոցներով անձը մոտեցել է Վ. Գրիգորյանին ու նրա հետ կանգնած ևս երկու անձանց ու գործի դրել հրազենը:
2025թ. Մերձավան գյուղում երկրորդ աղմկահարույց սպանությունն է կատարվել: Մասնավորապես՝ 2025թ. փետրվարի 5-ին Մերձավան բնակավայրում մի խումբ անձանց միջև տեղի էր ունեցել ծեծկռտուք, որի ժամանակ քաղաքացիներից մեկն իր մոտ եղած ինքնաձիգով կրակոցներ էր արձակել այլ անձանց ուղղությամբ, ինչի հետևանքով մեկ անձ մահացել էր, իսկ մեկ այլ քաղաքացի հրազենային վնասվածքով տեղափոխվել էր հիվանդանոց:
Կա վարկած, որ Փարաքար համայնքի ղեկավարի սպանությունն այդ դեպքի հետ է կապված։
Մենք միանգամայն արժանիորեն դուրս եկանք հաջորդ փուլ
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Աբու Դաբին կունենա համաշխարհային արվեստի նոր կենտրոն
Քրիստիան Ռոմերոն պահանջում է տարեկան 8 միլիոն եվրո աշխատավարձ
Սևանում տեղի է ունեցել «Sevan AgriTech Summit»-ը
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Մյունխենի կենտրոնում կառուցվել է փայտից պատրաստված հնգահարկ մանկապարտեզ