ՀՀ կրթության, գիտության, մշակույթի և սպորտի նախարար Ժաննա Անդրեասյանը և նախարարի տեղակալ Արթուր Մարտիրոսյանը այցելել են Արամի 44 հասցեում գործող Թումո ստուդիաներ, շրջել արհեստանոցներում, ծանոթացել պայմաններին: Նրանց ուղեկցել է «Թումո» ստեղծարար տեխնոլոգիաների կենտրոնի տնօրեն Մարի Լու Փափազյանը:
Թումո ստուդիաները նախատեսված են համալսարանական տարիքի երիտասարդների համար, որոնք հետաքրքրված են արհեստագործությամբ և դիզայնով: Մասնավորապես, կազմակերպվում են աշխատարաններ, դասընթացներ և դասախոսություններ նորաձևության, զարդերի պատրաստման, ասեղնագործության, խեցեգործության, տպագրության և պրոդուկտ դիզայնի ոլորտներում: Ծրագիրը նախատեսված է 18-ից 28 տարեկանների համար․ ներկայում ծրագրին մասնակցում է շուրջ 1200 ուսանող:
ԿԳՄՍ նախարար Ժաննա Անդրեասյանին ներկայացվել են կրթական ծրագրերի բովանդակությունը, ընդունելության ընթացակարգը, ընտրության չափանիշները: Նախարարը կարևորել է կառույցի գործունեությունը՝ ընդգծելով. «Այս նախագիծն առաջին հերթին փոխում է արհեստների՝ մեր մշակութային ժառանգության հանդեպ վերաբերմունքը և վերահաստատում, որ դրանք, ունենալով խորը արմատներ, այսօր էլ նորաձև են և ժամանակակից»:
Նախարարն առանձնակի կարևորել է Թումո ստուդիաների հնարավոր համագործակցությունը մասնագիտական կրթություն իրականացնող հարստությունների՝ քոլեջների, ինչպես նաև թանգարանների հետ, մասնավորապես, հուշանվերային արտադրանքի խանութների կազմակերպման, առաջխաղացման նպատակով: Անդրադարձ է եղել Հայկական մշակութային ժառանգության ինստիտուտի հայկական ժառանգության սկանավորման ծրագրին՝ կարևորելով թվայնացման գործընթացը՝ որպես ժառանգության պահպանման և տարածման կարևոր նախապայման: Ոլորտի առաջատար կառույցների հետ քննարկվել են նաև ապագայում նախատեսվող աշխատանքները, համագործակցության հեռանկարները:
Տարվա ընթացքում Թումո ստուդիաներ ընդունելությունն իրականացվում է երկու փուլով: Յուրաքանչյուր տեխնիկական դասընթաց ունի իր ժամանակացույցը: Դիմելիս ուսանողները հնարավորություն ունեն ընտրելու դասընթացների ժամանակացույցը, ինչպես նաև մասնակցելու միաժամանակ մեկից ավելի դասընթացի:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ