Ապօրինի անհասկանալի տաղավարը օրինականացրել են. կասկածելի որոշում

Վարչական դատարանի դատավոր Անի Հարությունյանն օրերս դատական ակտ է կայացրել՝ թույլատրելով օրինականացնել Երևանում ապօրինի կառույցը։  Սակայն այս դեպքը սովորականից տարբերվում է նրանով, որ խնդրո առարկան (ինչպես երևում է նկարներում) ոչ տուն է, ոչ ավտոտնակ, այլ ինչ-որ անհասկանալի տաղավար։

Խոսքը Հալաբյան 26/1 հասցեի հարևանությամբ տեղակայված և համայնքային հողի վրա գտնվող ինքնակամ մի անհասկանալի կառույցի մասին է։ Հատկապես այս հանգանանքը կասկածների տեղիք է տալիս։

Դատավորն այն օրինականացրել է՝ ի հեճուկս նրա, որ 54 քմ մակերեսով այդ հողամասը, ըստ Երևանի գլխավոր հատակագծի, ներառված է ընդհանուր օգտագործման գոտում։ Այսինքն՝ դրա իրավունքը չի եղել։

Դատավոր Հարությունյանը պատահական մարդ չէ դատական համակարգում։ Նա նշանակվել է Սերժ Սարգսյանի օրոք՝ դեռ 2013թ՝ լինելով վերջինիս մտերիմ, ՀՀ ԱԱԾ նախկին պետի տեղակալ Գրիշա (Գրիգոր) Հարությունյանի դուստրը։

Համացանցից հայտնի դարձավ, որ Անի Հարությունյանն աչքի է ընկնում իր տպավորիչ ունեցվածքով, 2022թ. անցել է մի քրեական գործով։