Այն մասին, թե ինչպես ընդդիմությունն օգնեց Փաշինյանին

Նիկոլ Փաշինյանը Գերմանիայում է: Այնտեղ հանդիպել է նաեւ Համբուրգի հայ համայնքի ներկայացուցիչների հետ: Ընդդիմադիր լրատվամիջոցի ընդդիմադիր աշխատակիցը շտապում է գրել՝ հանդիպմանը ներկա է եղել 23 մարդ, ինչը նշանակում է, թե Փաշինյանին չեն ընդունում ո՜չ արտերկրում, ո՜չ Հայաստանում:

Ի՞նչ եք կարծում, այս տողերը կարդալուց հետո միջին վիճակագրական հայ մարդը ի՞նչ է մտածելու:

Իսկ մտածելու է, որ ընդդիմությունը կրկին ինքնախաբեության մեջ է եւ փորձում է խաբել նաեւ հանրությանը: Ախր, ցանկացած մարդ հասկանում է, որ, եթե Փաշինյանը խնդիր դներ, որ հանդիպմանը ներկա լիներ 233 մարդ եւ ոչ թե 23, ապա կլիներ այդքան: Եւ այսքանից հետո է՜լ ավելի անլուրջ է վերաբերում այն ընդդիմությանը, որն իրեն պարզապես փորձում է խաբել եւ կեղծ իրականություն ներկայացնել:

Եւ հենց այս իրականությունն օգնեց Փաշինյանին ամրապնդել իշխանությունը: Երբ ընդդիմությունը պարզապես փորձում է խաբել, պարզապես փորձում է կեղծ իրականություն ներկայացնել, փորձում է մարդկանց համոզել, թե աղետի միակ եւ բացարձակ մեղավորը Փաշինյանն է, տեղի է ունենում մի պարզ գործըթնաց, չեզոք եւ չկողմնորոշվածները վերջնականապես հիասթափվում են ընդդիմությունից եւ անցնում Փաշինյանի կողմը:

Եվ այս գործընթացն արագանում է հատկապես այն ժամանակ, երբ լրագրողի հարցին՝ ճանաչո՞ւմ եք Արցախը Ադրբեջանի կազմում, ընդդիմադիր պատգամավորը տալիս է ինչ պատասխան ասես, բացի այո-ից կամ ոչ-ից:

Top-News.am