Ինչպես նվազեցնել շաքարային դիաբետի առաջացման ռիսկը
Նախադիաբետը սովորաբար համարվում է 2-րդ տիպի շաքարային դիաբետի զարգացումից առաջ միջանկյալ փուլ: Սակայն նոր հետազոտությունները ցույց են տվել, որ շատ մարդկանց մոտ այս գործընթացը կարող է փոխվել:
Ավստրալիայի Դեյքին համալսարանի IMPACT ինստիտուտի գիտնականները պարզել են, որ գլյուկոզայի մակարդակի նորմալացումը նվազեցնում է հիվանդության զարգացման ռիսկը ավելի քան 50%-ով: Ուսումնասիրությունը հրապարակվել է Diabetologia ամսագրում:
Նախադիաբետն ախտորոշվում է մոտ երկու միլիոն ավստրալացու մոտ, և նրանցից յուրաքանչյուր տասներորդը ամեն տարի անցնում է 2-րդ տիպի շաքարախտի: Այս վիճակը ոչ միայն վատթարացնում է կյանքի որակը, այլև ստեղծում է հսկայական տնտեսական բեռ։
Ըստ Diabetes Australia-ի, երկիրը տարեկան ծախսում է մոտ 9.1 միլիարդ դոլար շաքարախտի բուժման և բարդությունների վրա:Նախկինում բժշկական ուղեցույցները հիմնականում կենտրոնացած էին նախադիաբետից շաքարախտի առաջընթացը դանդաղեցնելու վրա:
Սակայն, ինչպես ցույց է տալիս Diabetologia ամսագրում հրապարակված նոր ուսումնասիրությունը, այս ռազմավարությունը պետք է վերանայվի: Դեյքինի թիմը հետևել է մոտ 8000 մարդու Ավստրալիայից, ԱՄՆ-ից և Ասիայից:«Մարդիկ, որոնց հաջողվել էր իրենց գլյուկոզայի մակարդակը վերադարձնել նորմայի սահմանների, 51%-ով ավելի ցածր ռիսկ ունեին 2-րդ տիպի շաքարախտ զարգացնելու։ Սա նշանակալի տարբերություն է և հստակ նշան, որ նախադիաբետի վիճակի վերականգնումը հնարավոր է», - նշել է ուսումնասիրության հեղինակ Նաջմե Դավուդիանը։Ազդեցությունը հատկապես արտահայտված էր նրանց մոտ, որոնց սրտանոթային առողջության ցուցանիշները մնացել էին նորմալ՝ արյան ճնշում, խոլեստերին, մարմնի քաշ։ Չծխողների և նորմալ մարմնի զանգվածի ինդեքս ունեցող մարդկանց մոտ ռիսկը նվազել է մինչև 80-85%։ Եվ հակառակը, նախադիաբետի վիճակում մնացած մասնակիցները կրկնապատկել են շաքարախտ զարգացնելու հավանականությունը, նույնիսկ եթե առողջության այլ պարամետրերը համեմատաբար բարենպաստ էին։Գիտնականները կոչ են անում վերանայել բուժման մոտեցումները։
Առողջապահության մասնագետները պետք է ակտիվորեն աշխատեն արյան մեջ շաքարի մակարդակը նորմալ վիճակի վերադարձնելու և դրան առնչվող ռիսկի գործոնները վերացնելու ուղղությամբ։«Սա լուրջ ազդանշան է։ Ժամանակն է դադարել նախադիաբետը դիտարկել որպես դանդաղ, բայց անխուսափելի երթ դեպի շաքարախտ», - ընդգծել է Դավուդիանը։ «Մենք պետք է սկսենք այն բուժել որպես շրջելի վիճակ»։Հետազոտողները կոչ են անում թարմացնել կլինիկական ուղեցույցները, որպեսզի թերապիայի նպատակը լինի գլյուկոզայիի նորմալ մակարդակի վերականգնումը՝ զուգորդված նյութափոխանակության ընդհանուր առողջության բարելավման հետ։
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վթարային ջրանջատում Երևանի Էրեբունի վարչական շրջանում
Ոչնչացվել է Nestle ընկերության NAN ապրանքանիշի մանկական սննդի որոշ խմբաքանակ. ՍԱՏՄ
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
ՀՌՀ-ն և ԵԽ-ն համատեղ աշխատաժողով անցկացրեցին տեսալսողական մեդիածառայություն մատուցողների համար
2026 թվականի 2-րդ քննաշրջանի դրսեկության ձևով (էքստեռն) ավարտական քննություններ․ դիմումներն ընդունվո...
Վահագն Խաչատուրյանն ընդունել է Philip Morris International ընկերության պատվիրակությանը
ՀՀ տարածքում ավտոճանապարհները հիմնականում անցանելի են
Lufthansa-ն նախազգուշացրել է տոմսերի սպասվող թանկացումների և չվերթների կրճատման մասին
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել