Ինչո՞ւ են այսքան սպանում Հայաստանում
Գազար հավաքելիս ամուսիններ են սպանվել։ 64 եւ 59 տարեկան ամուսիններ։ Դրանից առաջ մեծ սրբապղծություն եղավ։ Չարենցավանի եկեղեցում, հուղարկավաորության արարողության ժամանակ դանակի հարվածներով մի տղամարդ սպանվեց։ Դրանից առաջ էլ համայնքներից մեկի ղեկավարի եւ նրա ընկերոջ սպանությունը։
Այս շարքը յուրաքանչյուրը կարող է լրացնել իր թարմ հիշողություններով։ Սարսափելի եւ մտահոգիչ պատկեր է։ Հայաստանում սպանելը դարձել է սովորական մի բան։ Բնական հարց է առաջանում՝ ինչո՞ւ են այսքան շատ սպանում։
Պատճառը շատ պարզ է։ Հայաստանում կտրուկ ավելացել է ատելությունն ու չարությունը։ Հայաստանում ազատ խոսքը դարձել է մարդուն վիրավորելու համարժեք մի բան։ Ուղիղ եթերից վիրավորում են մարդուն, այդ խոսքը տարածվում եւ հասնում է անգամ գազարի դաշտ։
Եւ երբ վիրավորողը, հայհոյողը, անիծողը չի զսպվում, չի պատժվում օրենքով, մի օր վիրավորվողի, վիրավորվողի ընտանիքի համբերությունը վերաճում է չարության եւ հանգեցնում պատասխան հարվածի, գուցե եւ սպանության։
Այստեղ ոչ միայն անելիք ունեն իրավապահները, այլ նաեւ օրենսդիրները, որոնք պետք է վիրավորանքը դարձնեն քրեորեն պատժելի արարք, եւ ոչ թե որակեն որպես ազատ խոսք, կամ կարծիք։ Այսպես չի կարելի շարունակել։ Այս ճանապարհը տանում է ինքնակործանման։
Top-News.am
Լույսն ամենաթանկ նվերն է, որ կարող ես տալ մարդուն
Դեպի Երևան․ ինչպե՞ս (տեսանյութ)
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Z համաշխարհային պատերազմը վերադառնում է
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Երթևեկության կազմակերպման փոփոխություն՝ Վարդանանց փողոցում
Տուրիստ չեմ` ավտոբուս չկա
Առանձին շրջաններում սպասվում է կարճատեւ անձրեւ եւ ամպրոպ