2008 թվականին իմ միակ մոտիվացիան Հայաստանի անվտանգային հարցն էր․ Ռոբերտ Քոչարյան

Հատված ՀՀ երկրորդ նախագահ Ռոբերտ Քոչարյանի՝ 4 լրատվամիջոցների տված հարցազրույցից․

-Վերջերս ակտիվ խոսում են ձեր և երրորդ նախագահի տարանջատման մասին։ Քարոզչական դաշտում ասվում է, որ տարանջատման մասին խոսակցությունները դա Ռոբերտ Քոչարյանի որոշ աջակիցների մտքերում է, կամ խոսակցությունների առարկա է, իսկ իրականում երկրորդ և երրորդ նախագահները միասին են և սա ինչ-որ տակտիկա է հանրության զբաղեցնելու համար։ Դուք միասի՞ն եք, այս ամենը խա՞ղ է հանրության համար, թե՞ ոչ։ 

Իմ գրքի վերջին էջերը հենց դրա մասին են։ Ես փորձել եմ այդ վերջին էջերում 2018 թվականի իշխանափոխության և մեր հարաբերությունների մասին իմ վերաբերմունքը արտահայտել։ Սա այսօր չի, որ այդ թեման կա։ Այո, տարանջատումը կա։ Ես մի շարք քայլերի հետ համաձայն չէի և, քանի որ կար նաև ընկալումը, որ ամեն ինչը մենք միասին ենք անում, նախագահությունից հետո իմ հարցազրույցները ես տալիս էի նրա համար, որ այդ ընկալումը չլինի, որ, օրինակ, հայ-թուրքական այս արձանագրությանը ես դեմ եմ, որ չասեն իրանք մեկ ա միասին են։ Դրա համար էի հարցազրույցներ տալիս, այն ժամանակ քաղաքականություն վերադառնալու որևէ նպատակ չունեի ես։ Կարող էի հանգիստ ոչ մի հարցազրույց չտայի։ Սկսել եմ տալ՝ ընդգծելու համար, որ այս, այս, այս հարցերի նկատմամբ ես ունեմ այլ մոտեցումներ։

— Հասարակության լայն զանգվածը 3-րդ նախագահին մեղադրում է Նիկոլ Փաշինյանին իշխանություն տալու մեջ։ Չեմ ուզում մտնել այն դետալի մեջ՝ դա պլանավորված էր, թե չէ, տարբեր կարծիքներ կան։ Բայց մեղադրանքը կա։ Եթե կա այդ մեղադրանքը, հանրությունը այդ դեպքում պետք է նաև ձեզ մեղադրի, թե ինչու 2008 թվականին ձեզնից հետո եկավ Սերժ Սարգսյանը։ Արդյոք դուք տեղյակ էիք օրինակ, որ երբ դուք նախագահ էիք ձեր վարչապետի փեսան ամերիկացիների հետ բանակցում էր Իրանից գազամուղի գալ-չգալու հետ կապված։ 

Բոլոր այդ հարցերի պատասխանները իմ գրքում կան։ Հիմա ստացվում է իմ գիրքն եմ գովազդում, բայց իրականում պատասխանները կան։ Ուրիշ թեկնածու չեմ ունեցել։

Այդ կարգի բանակցությունների մասին տեղյակ չեմ, հիմա առաջին անգամ եմ լսում։ Իրանի գազամուղի հետ նախագահի փեսան որևէ կապ չուներ և չէր կարող ունենալ։ Այն գլխից այդ գազամուղը չի ենթադրել որևէ տրանզիտային հնարավորություն։ Գազամուղերը հենց այնպես չեն կառուցում։ Գազամուղ կառուցելու համար, կամ նավթամուղ կառուցելու համար դու պետք է կոնտրակտային պայմանագրեր ունենաս արդեն թե ինչ ծավալի գազ, ինչ ծավալի նավթ են առնելու։ Առանց դրան որևէ գազամուղ չի կառուցվում։ Մենք այդ գազամուղը կառուցեցինք, որոովհետև իրանական կողմի հետ ստորագրել ենք հոսանք-գազ փոխանակումը։ Դա էր հիմք հանդիսացել, որ այդ գազամուղը կառուցվի։

Կոնկրետ ձեր հարցի վերաբերյալ՝ ուրիշ թեկնածու չեմ ունեցել։ Այն ժամանակ մամուլում շրջանառվում էր նաև Օսկանյանի թեկնածությունը, բայց դա իմ թեկնածությունը չէր։ Ես ասեմ իմ մոտիվացիան։ Այն ժամանակ համարում էի, որ առաջնահերթ խնդիրը Հայաստանի համար անվտանգային հարցն է։ Կար Ղարաբաղի հարց, կար անվտանգության հարց և համարել եմ, որ պետք է նախագահ ընտրվի մարդ, որը այդ ոլորտին տիրապետում է լիարժեք։

Սերժ Սարգսյանը տարիներ աշխատում էր և՛ պաշտպանության նախարարությունում, և՛ անվտանգությունում, և՛ Ղարաբաղի պատերազմի փորձը ունի։ Այդ ռացիոնալ ընտրության տեսանկյունից ամենաճիշտ որոշումն էր։ Ես երբեք չեմ մտածել, որ հետագայում կարող են այսպիսի զարգացումներ լինեն։

Մանրամասն՝ տեսանյութում։

Այս թեմայով «Եթե ես հանդիպեմ քեզ հետ, Նիկոլ Փաշինյանն ինձ կուտի»․ Արայիկ Հարությունյանը հրաժարվել է հանդիպել Քոչարյանին Նոյեմբերի 9-ի փաստաթղթով հնարավոր էր պահել Արցախը․ Քոչարյան Այս խայտառակ իրավիճակից միակ ելքը իշխանափոխությունն է, այլապես՝ արագ գլորվում ենք դեպի տոտալ բռնապետություն. Ռոբերտ Քոչարյան Այս անգամ էլ՝ ավելի քան 5 մլն դիտում. Ռոբերտ Քոչարյանի հրապարակային խոսքի դիտումները շեշտակի աճել են Փաշինյանը հանկարծ կարող է SMS ուղարկի, ասի՝ այ ուսապարկ, գործդ տարա, դու այդտեղ վեր ես ընկել, ինչի՞ համար. Քոչարյան