Նորմալ երկիր լինեինք, ոտից կկախեին «ԹելՍելը» բերողին․ Մեսրոպ Մանուկյան 

21 մլրդ պլանավորել եք, որ հավաքվի և նման կոլապս է, եթե չհավաքագրվի և մանկապարտեզները չկառուցվեն, ով է պատասխան տալու: Այս մասին, այսօր՝ ապրիլի 22-ին, Երեւանի ավագանու նիստում իր ելույթում ասաց ավագանու «Մայր Հայաստան» խմբակցության անդամ Մեսրոպ Մանուկյանը։

«Անցած տարի այս ժամանակաշրջանում, երբ որ միայն «Երևան ավտոբուս»-ը 100 դրամներով և ձեր մեղադրանքով, վարորդների փող գողանալով, օրական 28 մլն դրամ փող էին հավաքում: Հիմա թանկացրել են տրանսպորտը, 20 % մասնավորը դուրս է եկել, պետք է գումարն ավելանար: Օրական մետրոյով երթեւեկում է 75-80 հազար մարդ: 10 հազարը, ասենք անվճար է երթեւեկում: 70 հազարը բազմապատկեք 150 դրամով, 10 մլն դրամից ավել է լինում: Էլեկտրատրսնապորտն է բոնուս Սուրեն Գրիգորյանին: Օրական հավաքում եք 33 մլն դրամ, այն պարագայում, երբ միայն մետրոյով օրական 10 մլն է մուտքագրվում, էլեկտրատրանսպորտը ձեզ քեշքեշ,  20 %-ն էլ դուրս է եկել, դուք տեղն եք մտել»,-ասաց Մեսրոպ Մանուկյանը և հավելեց. «Ժողովուրդ ջան, գրագիտության կորուստ ունեք, որովհետև այդ փողը կորում է, «ԹելՍելը» գալիս է մեջ-մեջ է անում, կամ ուրիշ խնդիր կա։ 21 մլրդ պլանավորել եք, որ հավաքվի և նման կոլապս է, եթե չհավաքագրվի և մանկապարտեզները չկառուցվեն, ով է պատասխան տալու»,-ասաց Մեսրոպ Մանուկյանը։

Մանրամասն՝ տեսանյութում։