«Տիտանիկ. թվային հարություն» («Titanic: The Digital Resurrection») ֆիլմը պատմում է նրա մասին, թե ինչպես է խոր ծովում քարտեզագրող Magellan ընկերությունը ստեղծել «Տիտանիկի» երբևէ ստեղծված ամենաճշգրիտ մոդելը, պատմում է National Geographic հանդեսը:
National Geographic-ի 90 րոպեանոց վավերագրական ֆիլմը ռեժիսոր Էնթոնի Գեֆենին հնարավորություն է տալիս «վերակառուցել նավի վերջին պահերը՝ վիճարկելով վաղեմի ենթադրությունները և բացահայտելով նոր պատկերացումներ նրա մասին, թե իրականում ինչ է տեղի ունեցել 1912 թվականի այդ ճակատագրական գիշերը»,-ասված է հայտարարության մեջ:
Ֆիլմում վերլուծաբան Փարքս Սթիվենսոնը, մետաղագործ Ջենիֆեր Հուպերը և արհեստավարժ ծովագնաց Քրիս Հըրնը բացահայտում են նավի լայնածավալ վերարտադրությունը՝ ընդգծելով նախկինում թաքնված մանրամասները:
Առանցքային գտածոներից մեկը ակներևաբար բաց գոլորշու փականն էր, որը հաստատում է տեղեկությունը նրա մասին, որ «Տիտանիկ»-ի՝ այսբերգին բախումից հետո ինժեներներն ավելի քան երկու ժամ գտնվել են երկրորդ կաթսայատան իրենց դիրքերում:
Դա էլեկտրաէներգիա էր ապահովում և անձնակազմին հնարավորություն է ընձեռել աղետի ազդանշաններ ուղարկել, ինչը նշանակում է, որ կաթսայատան 35 մարդիկ կարող էին իրենց զոհաբերել հարյուրավոր ուրիշ մարդկանց կյանքը փրկելու համար:
Գիտնականների թիմը միաժամանակ վերակառուցել է տարբեր վայրերում հայտնաբերված նավի հիմնակմախքի բեկորները և պարզել, որ «Տիտանիկը» չի բաժանվել երկու մասի, այլ «զարհուրելի կերպով կտոր-կտոր է եղել»։
Սկանավորումը օգնել է նաև արդարցնել առաջին սպա Ուիլյամ Մերդոքին, որին մեղադրել են իր պահակետը լքելու համար:
Փրկարար նավակի դիրքը` նավը արձակելու համար օգտագործվող սարքավորումը հաստատում է այն փաստը, որ Մերդոքն իսկապես խողդվել ծովի ալքիներում, երբ անձնակազմը պատրաստվեկժլ է նրան ջուրն իջեցնել:
Նոր նկարներում երևում է նաև՝ ինչպես են ոչնչանում խորտակված նավի առանձին մասերը։
Երբ «Տիտանիկը» 1912 թվականի ապրիլի 10-ին դուրս է եկել բաց ծով, նա երբևէ կառուցված ամենամեծ մարդատար նավն էր և համարվում էր անխորտակելի:
Ընդամենը չորս օր անց «Տիտանիկի» առաջին նավարկությունը վերածվեց միջազգային ողբերգության, երբ այն ապրիլի 14-ին 23:40-ին բախվեց Հյուսիսային Ատլանտյան օվկիանոսի այսբերգին և խորտակվեց երեք ժամից էլ քիչ ժամանակում։
«Տիտանիկը» չուներ բավարար փրկարար նավակներ նավի վրա գտնվող 2220 մարդու համար: Աղետը խլել է ավելի քան 1500 մարդու կյանք, իսկ «Տիտանիկը» դարձավ պատմության մեջ ամենահայտնի նավը: Աղտից ողջ էր մնացել շուրջ 700 մարդ:
Չորս մարդ փորձել է հատել թուրք-հայկական սահմանը, մեկին քշել է գետը
Իրանի դեսպանություն. Հայաստանի հետ վարժանքների նպատակը հնարավոր սպառնալիքներին հակազդելու նախապատրաս...
Ինչ է պատասխանել Վազգեն Սարգսյանը, երբ գեներալը Տեր-Պետրոսյանի տանը առաջարկել է նրան նշանակել ՊՆ
7.3 միլիարդ դրամով կցրեն Կառավարության դիմացի բողոքի ակցիաները
Վրանի ապամոնտաժում` մեկ ամիս ավել բնակվարձի դիմաց. իշխանությունը վախեցած է արցախցիների պայքարից
ԵՄ նախաձեռնությամբ Բեռլինը Կիևին կտրամադրի 500 հազար արկ
Գիտնականները նշել են, թե ինչ է տեղի ունենում մարդու հետ կյանքի վերջին ակնթարթներին
Ոմանք սկսել են Վիկիլիքսն ուսումնասիրել, դա լավ է, վստահ եմ՝ այնտեղ դեռ շատ բան կա, որ պետք է նաև մեր...
Գաղտնի հանդիպումներ կառավարությունում
Ղրղզստանը ՌԴ-ին բողոքի նոտա է հանձնել հանրային բաղնիքում տեղի ունեցած միջադեպի պատճառով