Կանադան երբեք, ոչ մի ձևով չի դառնա Ամերիկայի մի մասը․ Մարկ Քարնին կլինի Կանադայի հաջորդ վարչապետը
Կանադայի իշխանական Լիբերալ կուսակցության նոր առաջնորդ է ընտրվել Մարկ Քարնին։ Նա կփոխարինի երկրի վարչապետ Ջասթին Թրյուդոյին, որը այս տարվա հունվարին հայտարարեց պաշտոնից հեռանալու մտադրության մասին։
Քարնին կուսակցության ղեկավարի պաշտոնի միակ թեկնածուն էր, որը չէր հանդիսանում Թրյուդոյի կառավարության անդամ։ Քվեարկության արդյունքներով նա ստացել է 85,9%։ Նա 59 տարեկան է, Հարվարդի և Օքսֆորդի համալսարանների շրջանավարտ է, տնտեսագիտության դոկտորի կոչում ունի։
Նա նախկինում ղեկավարել է կենտրոնական բանկն ու համակարգել ֆինանսական ճգնաժամերի հաղթահարման միջոցառումները Հյուսիսային Ամերիկայում և Մեծ Բրիտանիայում։
«Ես գիտեմ, որ այս մռայլ օրերը մեզ բերել է մի երկիր, որին մենք այլևս չենք կարող վստահել»,-ասել է Քարնին՝ ելույթ ունենալով կուսակցական համագումարում ՝ խոսելով ԱՄՆ սակագների մասին:
Նա նաև խոստացել է, որ Կանադան, միավորվելով, «կապաքինվի ցնցումից»։ «Ես ձեզ խոստանում եմ, որ միասին մենք կկարողանանք հաղթահարել այս ճգնաժամը», - հայտարարել է կառավարության ապագա ղեկավարը: Ավելի վաղ նա ամերիկյան մաքսատուրքերը համարել էր երկրի գլխավոր սպառնալիքը։
«Կանադան երբեք, ոչ մի ձևով չի դառնա Ամերիկայի մի մասը»,-ասել է Քարնին իր աջակիցների առջև ունեցած ելույթում:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Իրանի հանգուցյալ գերագույն առաջնորդի կինը ողջ է
Վթարային ջրանջատում Երևանի Էրեբունի վարչական շրջանում
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից