Գիտնականները պարզել են, թե տարվա մեջ և օրվա որ ժամին են մարդիկ իրենց ամենից երջանիկ զգում

Ըստ Լոնդոնի համալսարանական քոլեջի հետազոտության, հոգեկան առողջությունը միաժամանակ հակված է ավելի փոփոխական լինել հանգստյան օրերին, բայց ավելի կայուն՝ շաբաթվա ընթացքում: Գիտնականների անցկացրած հետազոտության արդյունքները հրապարակվել են BMJ Mental Health գիտաբժշկական հանդեսում:

Հետազոտողները ցանկանում էին պարզել, թե արդյոք օրվա ժամանակը կապված է հոգեկան առողջության, երջանկության, կյանքից բավարարվածության, կյանքի իմաստի զգացման և միայնության տարբերության հետ: Նրանք միաժամանակ ձգտում էին պարզել, թե արդյոք այդ ասոցիացիաների փոխոխությունը պայմանավորված է նրանով, թե շաբաթվա որ օրն է, ինչ սեզոն է կամ տարվա որ ժամանակն է:

Գիտնականները վերլուծել են Կալիֆոռնիայի համալսարանի Covid-19 սոցիալական ուսումնասիրության տվյալները, որը սկսվել է 2020 թվականի մարտին և ներառում էր կանոնավոր մոնիտորինգ մինչև 2021 թվականի նոյեմբերը, իսկ հետո լրացուցիչ մոնիտորինգ մինչև 2022 թվականի մարտը: Երկու տարվա ընթացքում հարցմանը մասնակցել է մոտ 1 միլիոն մարդ, նրանց՝ շուրջ 50 հազար չափահաս անձինք:

Հաշվի են առնվել այնպիսի գործոններ, ինչպիսին են տարիքը, առողջական վիճակը և մարդկանց զբաղված լինելը:

Արդյունքները ցույց են տվել, որ երկուշաբթի և ուրբաթ օրերին երջանկության, կյանքից բավարարվածության և իմաստալիցության մակարդակն ավելի բարձր է եղել, քան կիրակի օրերին, մինչդեռ երջանկության մակարդակն ավելի բարձր է եղել նաև երեքշաբթի օրերին:

Ձմռան համեմատ՝ մարդիկ, իբրև կանոն, հիմնականում հակված են դեպրեսիայի և անհանգստության, դիտվում է նաև միայնության ախտանիշների ավելի ցածր մակարդակ, և երջանկության, կյանքից բավարարվածության ավելի բարձր մակարդակ և այնպիսի զգացում, որ կյանքն իմաստ ունի մյուս երեք եղանակներին:

Պարզվել է, որ հոգեկան առողջությունը բոլոր չափումներով ամենից բարձրն ու լավն է ամռանը: Սակայն տարվա եղանակը չի ազդել օրվա ընթացքում դիտվող ասոցիացիաների վրա: