Ազգային ժողովը շարունակում է աշխատանքները

Երեւանում հունվարի 20-ին աշխատանքն է սկսել 8-րդ գումարման Ազգային ժողովի գարնանային նստաշրջանը։

Նրա առաջին քառօրյայի օրակարգում 31 հարց է։ Դրանցից 10-ը կքննարկվի երկրորդ եւ վերջնական ընթերցմամբ, մյուսները՝ առաջին։ Դրանց թվում են Բարձրագույն դատական ​​խորհրդի անդամի ընտրությունը, առողջապահության մշտական​​խորհրդարանական հանձնաժողովի նախագահի ընտրությունը, «Առեւտրի եւ ծառայությունների մասին» օրենքում, ինչպես նաեւ կից օրենքներում փոփոխություններ եւ լրացումներ կատարելու մասին օրինագծերի փաթեթը, «Տեսալսողական լրատվամիջոցների մասին» օրենքում փոփոխություններ եւ լրացումներ կատարելու մասին օրինագիծը, «Հայաստանի Հանրապետության օրհներգի մասին» օրենքում փոփոխություններ եւ լրացումներ կատարելու մասին օրինագիծը, «Պաշտպանության մասին» եւ կից օրենքներում փոփոխություններ եւ լրացումներ կատարելու մասին օրինագծերի փաթեթը, «Սննդի անվտանգության մասին»օրենքում փոփոխություններ եւ լրացումներ կատարելու մասին օրինագիծը, «Նախադպրոցական կրթության մասին» օրենքում փոփոխություններ եւ լրացումներ կատարելու մասին օրինագիծը, «Երիտասարդական քաղաքականության մասին» օրենքում եւ կից օրենքներում փոփոխություններ կատարելու մասին օրինագծերի փաթեթը, «Պետական ​​գաղտնիքի մասին» օրենքում փոփոխություններ եւ լրացումներ կատարելու մասին օրինագիծը եւ այլն։