«Պապիկյանը տուն ունի այն շենքում, որը խախտումներով է կառուցվում», «ինքնակամ շինությունների քանդման գործիք ենք ունենալու». քննարկում՝ ավագանու նիստում (տեսանյութ)
Երևանի ավագանու նիստում «Ազգային առաջընթաց» խմբակցության անդամ Հայկ Գրիգորյանը շինթույլտվությունների, դրանց խախտումով իրականացնելու վերաբերյալ հարց բարձրացրեց:
«Հարցս վերաբերվում է «Ջերմուկ գրուպ»-ի կողմից Արշակունյաց պողոտայի վրա իրականացվող շինարարությանը։ Դա դասական օրինակ է, թե ոնց շինարարությունը չպետք է իրականացվի ու այդտեղ քաղաքապետարանը բազում անելիքներ ունի:
Ես փաստաթղթերը նայել եմ, պարզվում է, որ շինթույլտվությունը նոյեմբերին նոր է տրվել, բայց մայիս ամսից իրենք արդեն շինարարություն էին անում։ Կարծեմ դրա համար իրենք տուգանվում են, 100 կամ 200 հազար դրամ, ավելի բարձր տուգանվում են, բայց շարունակում են աշխատանքը»,- ասաց նա:
Ըստ Գրիգորյանի՝ կառուցապատողը կարողանում է թե՛ շրջանցի օրենքով նախատեսված քառակուսի մետրի պահանջները, թե՛ կառուցապատման մակերեսի պահանջները։
«Այս ամեն նորմերի խախտումների համար բնակիչները դիմում են տարբեր իրավապահ մարմինների, բայց ոնց հասկանում եմ, այս ամեն ինչն ավելի լուրջ, նույնիսկ քաղաքապետարանից է վեր, համակարգային կոռուպցիայի մասին է խոսքը, որովհետև այդ տեղ, այդ համալիրում բնակարաններ ունեն Սուրեն Պապիկյանը և այլ պաշտոնատար անձինք, կառավարության անդամներ»,- ասաց նա:
Գրիգորյանը հետաքրքրվեց՝ ի՞նչ մեխանիզմով պետք է պայքարել վայրի կառուցապատման դեմ:
Քաղաքապետ Ավինյանը նշեց, որ 2023թ. դեկտեմբերին, երբ քննարկեցին 2024թ. համար նախատեսվող տուրքերը, այդ ժամանակ նույնպես որոշակի քննադատություն հնչեց կառուցապատման ոլորտի շինթույլտվությունների տուրքերի ավելացման մասով։
«Ուզում եմ ասել, որ այդ տուրքերի ավելացումը միայն այս տարի Երևան քաղաքի բյուջե մոտավորապես 24 մլրդ դրամ մուտք է ապահովել»,- ասաց նա:
Քաղաքապետը նկատեց, որ նմանատիպ տուրքերը ամենաուժեղ զսպող գործիքն են վայրի կառուցապատման դեմ։ Ավինյանը նշեց, որ նոր նախագծում հավելյալ, ավելի մեծ գումարների տուրքեր են նախատեսել այն դեպքերում, երբ կառուցապատողն արդեն իսկ նախատեսված ծավալներից շեղվում է։
Ինչ վերաբերում է տարատեսակ շինարարական օբյեկտներին, որոնք որ կառուցապատվում են առանց որևէ թույլտվության, Ավինյանը վստահեցրեց, որ Երևանի քաղաքապետարանը բոլոր այդ տեղերում գնում և իր անելիքը անում է:
«Այսինքն, տուգանում ենք կառուցապատողներին, Երևանի քաղաքապետարանի գործիքակազմը հետագայում, Երևանի ՏԻՄ-ի ընդունելուց հետո, էականորեն ավելի ուժեղանալու է և ունենալու ենք մի գործիք, որը կոչվում է քանդման պահանջ։
Սա հիմնականում ազդելու է այն կառույցների վրա, որոնք որ ինքնակամ են կառուցվել, որոնք որ փաստացի հետագայում չեն օրինականացվելու, դրանց հետ կապված շինթույլտվություն վստահորեն չի տրվելու և այդ քանդման պահանջը ներկայացնելուն պես այդ ինքնակամ շինության կառուցողը պարտավոր է լինելու քանդել կամ այդպես շատ մեծ տուգանքների շարքի հանդիպել»,- ասաց Ավինյանը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...