Ներկա պայմաններում մենք չենք կարող ակներևաբար մերժել իրադարձությունների զարգացման որևէ տարբերակ, դրանց թվում՝ հարավկովկասյան տարածաշրջանում, բայց ինձ թվում է, որ Ադրբեջանի կողմից Հայաստանի դեմ անմիջական ռազմական ագրեսիայի սպառնալիքը ամենահավանականներից չէ։ Դրա մասին «Ուժի գործոն» հաղորդաշարի եթերում NEWS.am-ի թղթակցի հետ զրույցում հայտարարել է ռուսաստանցի քաղաքագետ, Միջազգային հարաբերությունների ռուսաստանյան խորհրդի տնօրեն Անդրեյ Կորտունովը։
«Նույն կերպ, շատ դժվար է պատկերացնել մի իրավիճակ, որում Թուրքիան կարող է ներքաշվել նման հակամարտությունների մեջ և ջրից չոր դուրս գալ:
Նույնիսկ Սիրիայի պարագայում Թուրքիայի պաշտոնական դիրքորոշումն է պահպանել այս պետության տարածքային ամբողջականությունը։ Թուրքիայի ղեկավարությունը երբեք չի հրաժարվել Սիրիայի տարածքային ամբողջականության ճանաչումից։ Ըստ իս, նման դիրքորոշում է սպասվում Հայաստանի նկատմամբ։
Գուցե գոյություն ունեն քաղաքական խնդիրներ, գուցե կան տարաձայնություններ, կարող են լինել տարածքային վեճեր Հայաստանի և Ադրբեջանի միջև, բայց անմիջական ռազմական ագրեսիայի իրավիճակ չեմ պատկերացնում։ Դա չափազանց թանկ կարժենա նրանց համար, ովքեր կարող էին դա սանձազերծել»,- նշել է փորձագետը։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Նիդերլանդները հրաժարվել է մասնակցել «Եվրատեսիլ 2027»-ին
Հոկտեմբերի 27-ի դեպքերից անցել է 27 տարի
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին
Սպասվում է առանց տեղումների եղանակ․ օդի ջերմաստիճանն էապես չի փոխվի
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
Արդար չէ մեզ մեղադրել քաղաքական բռնաճնշման համար