ԵԱՀԿ-ում ԱՄՆ ներկայացուցիչ. ԱՄՆ-ը աջակցում է հայերի ու ադրբեջանցիների միջև վստահության ամրապնդման քայլերին
ԵԱՀԿ-ում ԱՄՆ գործերի ժամանակավոր հավատարմատար Հարրի Քամիանը նոյեմբերի 9-ին ԵԱՀԿ մշտական խորհրդի նիստում խոսել է Լեռնային Ղարաբաղի հակամարտության մասին՝ ողջունելով ԵԱՀԿ Մինսկի խմբում ԱՄՆ նորանշանակ համանախագահ Էնդրյու Շոֆերին:
Հարրի Քամիանը նշել է, որ ԱՄՆ-ը՝ որպես ԵԱՀԿ Մինսկի խմբի համանախագահ երկիր, վերահաստատում է իր խիստ աջակցությունը Շոֆերի աշխատանքին՝ Լեռնային Ղարաբաղի հակամարտության խաղաղ կարգավորման գործում: Այս մասին ասվում է ԵԱՀԿ-ում ԱՄՆ-ի ներկայացուցչության կայքում, հայտնում է panorama.am-ը:
ԵԱՀԿ-ում ԱՄՆ ներկայացուցիչը նշել է, որ ԱՄՆ-ը ողջունում է հոկտեմբերի 16-ին Ժնևում Հայաստանի ու Ադրբեջանի նախագահների համատեղ հայտարարությունը, որը կարևոր ազդանշան է, որ կողմերը պատրաստ են բարեխղճորեն ներգրավվել բանակցություններում:
«Մենք ուրախ ենք, որ նախագահները համաձայնել են հրատապ քայլեր ձեռնարկել՝ շփման գծի երկայնքով լարվածության թուլացման համար, ու մենք կողմերին խրախուսում ենք օգտագործել այս դրական պահն ու զերծ մնալ փոխադարձ մեղադրանքներից: Մենք վերահաստատում ենք մեր կոչը կողմերին՝ իրականացնել 2016թ.-ի մայիսին ու հունիսին Վիեննայում ու Սանկտ Պետերբուրգում համաձայնեցված քայլերը. ընդլայնել ԵԱՀԿ գործող նախագահի անձնական ներկայացուցչի մոնիտորինգը, որը, հույս ունենք, ի վերջո կարտացոլվի ԵԱՀԿ 2018թ.-ի բյուջեում: ԱՄՆ-ը նաև կողմերին կոչ է անում աշխատել ԵԱՀԿ-ի հետաքննության մեխանիզմների ներդրման առաջարկի վրա»,-ասել է Հարրի Քամիանը:
Քամիանը կարևորել է տեղում դեսպան Անջեյ Կասպրշիկի կողմից իրավիճակի գնահատումը, որը «համեմատաբար կայուն է, սակայն լարված ու որ նույնիսկ հրադադարի փոքրիկ խախտումը կարող է արագ դուրս գալ վերահսկողությունից»:
Նշվել է, որ ԱՄՆ-ը նաև աջակցում է հայերի ու ադրբեջանցիների միջև վստահության ամրապնդման քայլերին, որոնք կարող են նպաստել անվտանգության իրավիճակի կայունացմանը ու ստեղծել առավել կառուցողական մթնոլորտ բանակցությունների համար:
Վերջում, Հարրի Քամիանը նշել է, որ կիսում են կողմերի հիասթափությունը, որ այս հակամարտությունը չափազանց երկար է տևում, ու որ ստատուս-քվոն անընդունելի է:
«Միևնույն ժամանակ, մենք բոլորս համաձայն ենք, որ հակամարտությունը չի կարող ունենալ ռազմական լուծում: Որպես ԵԱՀԿ Մինսկի խմբի համանախագահ՝ ԱՄՆ-ը շարունակում է հավատարիմ մնալ կողմերի հետ աշխատանքին՝ հակամարտությանը երկարատև ու խաղաղ լուծում գտնելու համար՝ հիմնված մասնակից պետությունների կողմից ուժի չկիրառման, տարածքային ամբողջականության, հավասար իրավունքների ու ինքնորոշման սկզբունքի վրա, ինչպես ամրագրված է Հելսինկիի եզրափակիչ ակտում»,-ասել է ԵԱՀԿ-ում ԱՄՆ գործերի ժամանակավոր հավատարմատար Հարրի Քամիանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...