ԱՄՆ-ում հազարավոր մեղուներ վթարի պատճառով հայտնվել են մայրուղիներում
ԱՄՆ-ում հազարավոր մեղուներ են բաց թողնվել այն բանից հետո, երբ փեթակներ տեղափոխող բեռնատարը շրջվել է, գրում է UPI-ն։
Երեկ ուշ երեկոյան Միսիսիպիի մայրուղում բեռնատար է շրջվել: Բեռնատարի կցասայլում եղել են մեղվափեթակներ, և վթարի հետևանքով հազարավոր մեղուներ են բաց թողնվել: Նրանց որսալու համար դեպքի վայր մասնագետներ են հրավիրվել:
Փորձագետների կարծիքով՝ կարծիքով՝ մեղուներն իրենց քիչ թե շատ հանգիստ են պահել, քանի որ դրսում արդեն մութ էր։ Բացի այդ, նրանք չեն ցրվել տարածքով մեկ, այլ բաժանվել են մի քանի խմբերի: «Նրանց մեծ մասը վթարից հետո մնացել են մոտակայքում, ուստի նրանց կարողացել են հետ տեղափոխել փեթակներ», - ասվում է հաղորդագրության մեջ:
Թե ինչ է եղել մեղուների հետ հետագայում, եւ ինչով է այն ավարտվել, չի հաղորդվում։