Բրիտանիայում աճուրդից հանվել է 19-րդ դարով թվագրվող եթովպիական գողացված վահանը
Բրիտանական «Anderson & Garland» աճուրդի տունը վաճառքից հանել է 19-րդ դարում ռազմարշավի ժամանակ գողացված եթովպիական վահանն այդ երկրի իշխանությունների բողոքից հետո։ Այս մասին հայտնում է AFP գործակալությունը։
19-րդ դարով թվագրվող վահանի վրա առկա է «Մագդալա, ապրիլի 13, 1868 թ.» գրությունը։ Այս ամսաթիվը համապատասխանում է կայսր Թեոդրոս II-ի օրոք մղված Մագդալայի ճակատամարտի օրվա հետ․ այդ ժամանակ բերդը պաշարված է եղել 13 հազար բրիտանացի զինվորների կողմից՝ լորդ Նապիերի գլխավորությամբ։ Ռազմարշավն ավարտվել էր բրիտանացիների հաղթանակով․ կայսրն ինքնասպան էր եղել, գտածոներն էլ գողացվել ու տարվել էին Բրիտանիա։
Եթովպիայի կառավարությունը երկար ժամանակ պահանջում էր վերադարձնել վահանն ու բողոք արտահայտում դրա վաճառքի դեմ, իսկ հինգշաբթի հրապարակած հայտարարությամբ ողջունել է աճուրդի տան և ներկայիս սեփականատիրոջ՝ վահանն աճուրդից հանելու որոշումը։
2023 թվականի սեպտեմբերին հավաքածուից մի քանի իրեր արդեն վերադարձվել էին Եթովպիա, այդ թվում՝ կայսր Թեվոդրոս II-ի որդու՝ արքայազն Ալեմայեհուի մազերի մի փունջ, ով մահացել է 18 տարեկանում Բրիտանիայում և թաղվել Վինձորի ամրոցում։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել